طريقة عمل رز السمك زي المطاعم
أرز السمك تقدم لكم الوصفة الشيف سارة
أجمل رز ببصل بقاا طعمه تحفه وحلو جدا جنب المأكولات البحرية
تريدين تحضير أرز السمك باللون البني الذهبي الرائع مع طعم ورائحه شهيه و لذيذة ؟
إليك أسرار تحضير أرز السمك على أصوله زي الا في المطاعم بالظبط .
ارز صيادية او أرز أحمر بالبصل او رز سمك المشوي او ارز السمك المقلي
جربيها وشاركينا رايك وايضا طريقة عمل الارز بالشعرية
مكونات أرز السمك المشوي و المقلي
- كيس أرز
- بصلتين وسط أو بصلة كبيره
- ملح
- ماية
- سمنه بلدي
- زيت
طريقة عمل أرز السمك البني بالصور
- نفرم البصل في الكبة كويس
- وبعدين نحط حلة علي نار عالية ونحط معلقتين سمنه أو 4 معالق زيت أو معلقة سمنه مع معلقتين زيت
- لو هنعمل الرز جنب مأكولات بحرية يكون احلي لو حطينا زيت بس
- بعد ما نحط السمنه او الزيت او الاتنين مع بعض ننزل بالبصل المفروم
- ونفضل نقلب لحد اما لون البصل يبقي غامق جدا عشان لون الرز هيطلع علي حسب لون تحمير البصل
- وبعدين اما نوصل للون البصل المطلوب ننزل بالمايه ( مفيش مقدار معين لمابه الرز بس احنا بنحطها بالنظر علي حسب كمية الرز اللي عندنا )
- وبعدين نحط حوالي 4 معالق ملح صغيره مع المايه ونقلب
- وبعدين نغطي الحله ونسيب المايه مع الملح لحد اما تغلي لمدة خمس دقايق تقريبا
- وبعدين ننزل بكيس الرز ونقلب الرز مع المايه
- ونشوف مقدار المايه لو بالتقريب مقدار صوباعين باليد بالعرض يبقي تمام
- لو المايه طلعت قليله نزودها حبه لحد اما تبقي بمقدار صوباعين باليد بالعرض
- بعد ما نشوف مقدار المايه مظبوط ولا محتاج نزود ونظبطه
- نغطي الحلة ونسيبها تقريبا خمس دقايق
- وبعدين نشوف الرز لو لسه متشربش المايه نغطيه ونسيبه دقيقه كمان
- ولو اتشرب المايه نغطي الحله تاني ونخليه علي نار هاديه خالص لمدة نص ساعه تقريبا أو ساعة الا ربع
وبألف هنا وشفا علي قلوبكم
أرجو ترك تعليق بملاحظاتكم
يارب تعجبكم طريقة عمل احلي رز صيادية
اقر ايضا : طريقة عمل رز السمك زى المطاعم
كل الوصفات وطرق تحضير الطعام موجوده علي التطبيق الخاص بنا
Pingback: طريقة عمل سمك بالتشرميلة - cook torta
Pingback: طريقة عمل جمبرى بالكارى - cook torta
Pingback: طريقة عمل أرز حبة وحبة - cook torta
Pingback: طريقة عمل رز السمك زى المطاعم - cook torta
تسلم