اكلات رمضان

طريقة عمل المكرونة بالبشاميل

صورة مكرونة بشاميل من موقع cooktorta.com

المكرونة بالبشاميل تقدم لكم طريقة عمل  الشيف سارة

أكلة مصرية كلنا بنحبها وبنحب دايما نعملها في العزومات وهي   المكرونة بالبشاميل

أسهل طريقة لعمل المكرونة بالبشاميل

احنا دائما متعودنا من مواقعنا  كل  وصفات الاكل وشرحها بسهولة ونقول كل اسرارها والا غلطات الا ممكن نقع فيها

المقادير :

  • 2 كيس مكرونة قلم
  • نص كيلو لحمه مفرومه
  • بهارات :
  • فلفل أسود _ ملح _كسبره _ زعتر _ بهارات لحمه _ بصلتين وسط
  • البشاميل :
  • سمنه بلدي
  • دقيق
  • شوربة
  • كيلو لبن أو كيلو ونص حسب الحاجه
  • 3 بيضات أحمر أو زي ما تحبوا
  • جبنة موتزريلا للوش

طريقة التحضير المكرونة بالبشاميل :

نقوم يسلق المكرونه ونسيبها علي جنب

نعصج اللحمه :

  • نفرم البصلتين كويس ونحطهم علي اللحمه ونحط البهارات الفلفل والملح والكسبره والزعتر وبهارات اللحمه ونخلطهم كويس أوي
  • نجيب طاسه كبيره ونحطها علي النار ونحط معلقتين سمنه كده وبعدين ننزل باللحمه المفرومه اللي عملناها علي الطاسه ونقلب باستمرار ونفكها من بعضها كويس بالمعلقة عشان تستوي كويس ومتبقاش قطع
  • مش بتاخد وقت علي النار مجرد ما لون اللحمه يغير ونستمر في التقليب وبعدين ندوق ولو استوت نقفل النار

نيجي للباشميل :

  1. نجيب حله ونحطها علي النار
  2. وبعدين ننزل بحوالي معلقتين أو ثلاثه سمنه
  3. وبعدين نحط أربع معالق دقيق أو خمسة
  4. ونستمر بالتقليب عشان ما يكلكعش
  5. ولما الدقيق يبقي لونه بيج أو أغمق حبه بس مش أوي
  6. ونكون مجهزين مج شوربة دافي
  7. وبعدين ننزل بمج الشوريه مع التقليب المستمر عشان ميعملش كتل
  8. وبنكون مجهزين الكيلو ونص لبن دافي برده
  9. لان لو الشوربه أو اللبن سخنين هيخلوا اليشاميل مكلكع
  10. ننزل باللبن حبه حبه علي الخليط مع التقليب المستمر
  11. ونكون مخلين النار وسط عشان البشاميا هيتقل مع الحراره
  12. ولو لاقينا الخلبط عامل قطع أو مكلكع معانا ممكن نضربه في الخلاط مش بيخلي في أي كتل نهائي
  13. وبعدين نرجع نحطه علي النار لحد القوام اللي تحبوه
  14. لان في ناس بتحب البشاميل مش تقيل
  15. وبعدين نسيب البشاميل يبرد
  16. وأما يبرد ننزل بالبيض ونقلب
  17. منحطش البيض والبشاميل سخن عشان البيض ميستويش

وبكده يكون البشاميل جاهز

إقرأ أيضا:تشوح اللحمة ازاي(طريقة عمل اللحمة المشوحة)
  • نجيب طبق غويط ونفضي فيه المكرونه اللي سلقناها
  • وبعدين ننزل بحوالي نص كمية البشاميل علي المكرونه أو زي ما تشوفوا البشاميل بقي مغطي المكرونه كويس ونقلب كويس
  • عشان المكرونه تختلط بالبشاميل
  • وبعدين نجيب صينيه مستطيله أو مدورة علي أد الخليط اللي عندنا
  • ولو الصينيه الومنيوم ممكن نبطنها زيت وبقسماط بسيط عشان يبقي سهل واحنا بنطلعه من الصينيه ولو أي نوع تاني تيفال أو سيراميك يبقي مش محتاجين نبطنها لانها مش بتلزق
  • وبعدين ننزل بنص كمية المكرونه اللي خلطناها بالبشاميل في الصينيه ونساوي المكرونه كويس في قاع الصينيه
  • وبعدين نحط اللحمه المفرومه اللي مجهزنها
  • وبعدين ننزل بباقي المكرونه فوق اللحمه
  • وبعدين ننزل علي الوش بنص كمية البشاميل اللي سيبناه في الأول
  • ونخلي البشاميل مغطي الوش كله
  • وممكن نضيف جبنه موتزريلا علي الوش أو جبنة رومي مبشوره أو قشطه
  • كل ده أكيد بيدي طعم حلو جدا للبشاميل
  • وندخلها الفرن علي درجه حراره حوالي 180 لمدة نص ساعه أو ساعه الا علي حسب الفرن
  • وبعدين نشغل الشواية لحد أما الوش ياخد لون
  • وبعدين نطلعها ونسيبها تبرد وبعدين نقطعها وتقدم أحلي  المكرونة بالبشاميل بيتي

 

إقرأ أيضا:شاهد طريقة عمل الكباب بالدجاج الجزائري بكل سهولة

وبألف هنا وشفا علي قلوبكم

يارب تكون طريقة المكرونة بالبشاميل

أرجو ترك تعليق بتجاربكم معانا

إقرأ أيضا:طريقة عمل صوص الشيكولاتة نجلاء الشرشابى

 

 

 

مكرونة باشميل أو المكرونة بالصلصة البيضاء هي وجبة مشهورة جداً في مصر وبلاد الشام وتشارك لازانيا في محتواها من صلصة الباشميل. واللحم المعصج بالإضافة الي الجبنة الرومى أو الموزاريلا.

 

السابق
طريقة عمل الفتة المصرية بالصور فتكات
التالي
التورتة الاسفنجية في المنزل بكل انواعها بسهولة

4 تعليقات

أضف تعليقا

  1. التنبيهات : شاهد طريقة عمل كرات المكرونة بالبشاميل بسهولة - cook torta

  2. التنبيهات : شاهد احسن وصفة لعمل المكرونة المحمرة - cook torta

  3. التنبيهات : اسهل طريقة لعمل طاجن بطاطس باللحمة - cook torta

  4. التنبيهات : شاهد طريقة عمل مسقعة بالبشاميل بكل اسرارها – My Blog

اترك تعليقاً

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.