صينية جلاش بالبسطرمة تقدم الطريقة الشيف سارة

كلنا طبعا بنحب الجلاش ودايما بنحشيه لحمة مفرومة لكن طعمة تحفة برده بحشو البسطرمة أو أي حشو تحبوه طبعا جبن أو فراخ أو سجق طعمه جميل وسهل جدا

طريقة عمل صينية جلاش بالبسطرمة

طريقة سهلة و جديده لعمل الجلاش بحشوة البسطرمة و الجبن الرومي و جبن موتزريلا 

مكونات جلاش بالبسطرمه والجبنه الرومي

• لفة جلاش
• بسطرمه
• سمنه سايحه
• شرايح طماطم
• شرايح فلفل
• زيتون مخلي
• جبنة موتزريلا
• جبنة رومي مبشورة
• نص كوب لبن

طريقة التحضير صينية جلاش بالبسطرمة

1. نجيب صينية علي أد الكمية اللي عندنا
2. وبعدين نقسم لفة الجلاش نصين
3. ندهن الصينية سمنه لو بتلزق لو مش بتلزق خلاص مندهنش
4. وبعدين نرص نص لفة الجلاش وبين كل ورقة ندهن سمنه أو بين كل ورقتين زي ما نحب
5. وهكذا لحد ما نخلص نص لفة الجلاش الاولاني
6. وبعدين نرص شرايح الطماطم وشرايح الفلفل والزيتون المخلي والبسطرمه
7. ونرش حبة جبنة رومي مبشورة بس مش كتير عشان ميطلعش مالح ونرش جبنة موتزريلا
8. وبعدين نكمل باقي لفة الجلاش ( النص التاني من لفة الجلاش )
9. وندهن بين كل ورقة بردة سمنه أو بين كل ورقتين زي ما تحبوا
10. وبعدين نقطع الجلاش مربعات
11. ونصب نص كوباية اللبن ونهز الصينية براحة عشان اللبن يدخل جواه
12. وبعدين ندخله الفرن على درجه حراره 180 لمدة ثلث ساعة أو علي حسب سخونة كل فرن ولحد ما الوش لونه يتغير

ويقدم مع بطاطس مقليه أو بجانب أي وجبة لأنه سهل وبسيط وخفيف جداا

وألف هنا وشفا علي قلوبكم
أرجو ترك تعليق بملاحظاتكم

كل الوصفات وطرق تحضير الطعام موجوده علي التطبيق الخاص بنا 

شاهد طريقة عمل جلاش بالبسطرمة | الشيف شربيني

شاهد طريقة عمل صينية الجلاش بالبسطرمة و الجبنة الرومي في الفرن

شاهد عمل جلاش بالبسطرمة | نجلاء الشرشابي

بسطرمة هي لحم بقر مجفف ومملح في الهواء الطلق وشديد التتبيل من المطبخ الأرمني ومن ضمن المطبخ العثماني. وهي كلمة اشتقت من اللغة التركية حيث تعني اللحم المجفف المملح والذي يكون “مضغوطاً”. وتحضر البسطرمة من اللحم البقرى الكبير. عادة ما تكون من الفخذ

الجبن الرومي أو التركي هو نوع من الأجبان المصنعة من حليب البقر أو الجاموس ويصنع غالبا في مصر، ويستغرق إعداده فترات طويلة، وله طريقة تخزين بشروط معينة،