اتعلم الـ SEO

ازاي اتعلم الـ SEO بنفسى من مصدره الاصلى بدون الاعتماد على حد تانى عشان يعلمنى ؟

ازاي اتعلم الـ SEO من مصدره الاصلى؟

ف الموضوع ده بعون الله ح نجاوب ع السؤال ده ازاى اتعلم SEO من مصدر اصلى موثوق اضمن انى باخد المعلومة منه بدون فتى او يدينى المعلومة عن جهل بدون علم على اساس انه معتقد انها صح ؟ حتقولي ايه ده هو فيه حد ممكن يفتي ف ال SEO ؟ ح اقولك يووووه الفتايين كتير و فيه ناس كمان ممكن تبقي عارفه المعلومة الصح و متقولهاش و تحتفظ بيها لنفسها و ناس تبقي عارفه الصح و تقولك المعلومة الغلط و دول بقي ربنا يهديهم طاب ازاي اضمن ان المعلومة اللي انا باتعلمها جايه من مكان موثوق ف صحته ؟

الاجابة بعون الله كده هى موقع MOZ اللى شغال ف المجال عارف يعنى ايه موز و الجديد نقوله نبذة عن الموقع موز من اهم مواقع الـ SEO على النت اتعمل سنة 2004 و عنده مجموعة من اهم الادوات المدفوعة للمساعدة فى تحليل المنافسين و مدى صعوبة الكلمات و عدة ادوات اخرى و هو اللى اخترع مقاييس الدومين و البدج اثورتى يعنى باختصار حته تقيله فى المجال و من عين اعيان الـ SEO موقع موز ده يا سيدى عملك تلت كورسات مكتوبة تخلصهم و تقدر تقول انا بافهم SEO نظرى و جاهز اشتغل عملى و ان شاء الله تسد بناء على المعرفة اللى خدتها من التلت كورسات دول الاول اسمه دليل المبتدا و ده اللينك بتاعه

http://bit.ly/2wuyFz4

دول بعون الله 10 مقالات ح يفهموك الدنيا فيها ايه ح تقولى طاب دول انجليزى ح اقولك جوجل ترانسليت صاحبك و حبيبك ثم ان العلم ده عشان تاخده من مصدر مضمون لازم تتعلم ازاى تترجمه من الانجليزى متاخدوش مترجم من حد قبلك الكورس التانى اسمه عوامل التصدر من اللينك ده

http://bit.ly/2wv6K20

و ده بقى يا سيدى اللى حيفهمك العوامل اللى جوجل بتقيم على اساسها المواقع وتقرر مين يظهر فى اول نتيجة حتقولى طاب ده من 2015 و احنا ف 2017 ح اقولك هى هى الجلابية و متغيرش كتير قوى يعنى ثم انك لازم تفهم العوامل دى عشان تفهم التحديثات اللى بعدها جت منين الكورس التالت و هو الباك لينك و اهميته من اللينك ده

http://bit.ly/2fi67BA

و ده بقى بعد ما تكون درست الكلام اللى فوق و فهمته كويس تفهم بقى اهم عامل من عوامل التصدر اللى جوجل مبتقولش انه اهم عامل عشان الناس تهتم بالمحتوي 😀 فهمت التلت كورسات دول تقدر بعون الله تطبق و تتصدر و تجيب نتايج و تفهم كمان اللى بيقولك على حاجة فى المجال بيتكلم صح ولا بيفتى عشان انت متعلم من مصدر معتمد و موثوق فى المعلومات ال بتاخدها منه

المصدر

https://www.facebook.com/groups/ARABSEO/?multi_permalinks=903951826451497

حسين محركات البحث وتعرف اختصاراً هو علم تحسين ظهور موقع إلكتروني أو صفحة موقع إلكتروني في نتائج محركات البحث المجانية مثل جوجل بحيث يظهر في النتائج الأولى، وذلك عن طريق دراسة كيفية عمل محركات البحث والعوامل المؤثرة على ترتيب نتائج محركات البحث …

Search engine optimization (SEO) is the process of affecting the online visibility of a website or a web page in a web search engine’s unpaid results—often referred to as “natural”, “organic”, or “earned” results

كل مواضيع الجديده موجوده هنا  الصفحة الرئيسية