طريقه طبخ الارز المصري

طريقة طبخ الرز الابيض مثل المطاعم الأرز من أسهل الأكلات اللي كلنا ممكن نقدر نعملها بس طريقة التسوية محتاجه نظبطها عشان الرز يطلع مظبوط لا ني ولا معجن يالا بينا نشوف الطريقة مع بعض

مقادير طبخ الرز

• كيس أرز ( كيلو ) أو ( الكمية حسب الرغبة )
• زيت أو سمن أو سمن مع زيت ( حسب الرغبة )
• ملح
• ماء فقط أو ماء مع شوربة

طريقة طبخ الرز المصري

1. نجيب حلة ونحطها علي نار متوسطة
2. وبعدين نحط الزيت واما يسخن حبه ننزل بالأرز ونقلب دقيقة بس
3. وبعدين ننزل بالمايه لحد اما تغطي بعد الرز بشويه بسيطة مقدار 2 او 3 سم
4. وبعدين نحط الملح حسب الرغبة ونقلب الأرز مع المايه والملح
5. وبعدين نغطي الحلة وبعد خمس أو عشر دقايق نبص عليها ونقلب الارز براحه
6. وبعدين نشوف لو الرز شرب المايه وباقي حبه مايه صغيرين يبقي نغطي الحلة
7. ونهدي النار خالص عشان يستوي في حبه المايه دول
8. ولو لسه مشربش المايه وفي مايه كتير يبقي نسيب النار متوسطه ونغطي عليه ونستني
9. ونرجع نبص عليه بعد دقيقتين لو لقينا باقي حبه مايه صغيرين يبقي نغطي الحلة
10. ونهدي النار خالص ونسيبه يستوي لمدة 20 دقيقة او 25 دقيقة

اقر ايضا : طريقة عمل الارز بالشعرية

اقر ايضا : طريقة عمل رز السمك زى المطاعم

ويقدم ساخن بجانب مأكولات كثيرة
وبألف هنا وشفا علي قلوبكم
أرجو ترك تعليق بملاحظاتكم

طريقة عمل الأرز للمبتدئين

طريقة طبخ الرز الابيض مثل المطاعم

الأَرُزُّ المزروع أو اختصاراً الأَرُزُّ هو نوع نباتي يتبع جنس الأرز ويعد الغذاء الرئيسي لأكثر من نصف سكان العالم وخاصة في قارة آسيا. وهو من محاصيل الحبوب الغذائية.