الفريدو (المكرونه بالفراخ بالصوص الابيض ) تقدم الوصفة الشيف قمر

الباستا الفريدو من الاكلات الايطاليه المشهوره ع طول بنجبها من بره ف وصفه النهارده غير انه طعمها جميل جدااااا انها سهله جداااا

طريقة عمل مكرونة الفريدو بالصوص الابيض

يعتبر الباستاالفريدو مع الدجاج و الفطر من الاطباق الايطالية اللذيذة و التي تعد مع الصلصة البيضاء وشاهدي ايضا طريقة عمل مكرونه بالجبنه و شاهد طريقة عمل كرات المكرونة بالبشاميل بسهولة

اول حاجه هنعملها طريقة عمل مكرونة الفريدو بالدجاج

معانا 2 اوراك فراخ مخليه ومنزوعه الجلد هنتبلها ملح +فلفل+بصل بودر+ثوم بودر
ف طاسه ع النار نحط مكعب زبده او (سمن او زيت) ونشوح الفراخ الجانبين تقريبا كل جنب 4 دقايق وبعدها تكون الفراخ استوت ونطلعها ف طبق عشان تهدي

اي نوع مكرونه يفضل اسباجتي الكميه ممكن نص الكيس ع قد 2 اوراك الفراخ
وف حله ع النار فيها مياه مغليه نحط زيت +ملح وننزل المكرونه ونسبها تقريبا 8 دقايق وبعدها نصفيها

ف حله ع النار نحط 1 ملعقه كبيره سمن عليها 3 فصوص ثوم مفروم واول ما نشم ريحه الثوم نحط 2 ملعقتين كبار من الدقيق ونقلب بالمضرب اليدوي وبعدها نضيف عليها لتر من الحليب البارد ونقلب ونضيف مكعب مرق +1ملعقه كبيره من الجبن الكريمي +ملح+فلفل+رشه من جوزه الطيب ونقلب كويس ونحط كبشتين كبارمن الشوربه او مياه سليق المكرونه واول ما الصوص يغلي غلوتين كده نطفي عليه

كده خلصنا وهنقدم هنقطع الفراخ شرائح وف طبق مناسب نحط كبشه مكرونه وعليا الفراخ والوايت صوص ونبشر جبن رومي (اختياري)

وبالهنا والشفا