فشار بالكراميل تقدم الطريقة لكم الشيف ساره
أحلي فشار بالكراميل طعمه يجنن وطبعا انتوا عارفين سعره بره كام
طريقة عمل فشار بالكراميل
وبرده من الحلويات السهلةطريقة عمل مولتن كيك و طريقة عمل الكب كيك هش وطري و سهل ولذيذ
كل الوصفات موجوده علي التطبيق الخاص بنا
مكونات فشار بالكراميل
- ذرة فشار ( من عند العطار )
- زيت
- نص كوباية سكر
- نص كوباية ماية
- واحد معلقة كبيرة نشا
طريقة التحضير فشار بالكراميل
- نجيب حله ونحط فيها حبه زيت وبعدين نحط الذره فشار ونغطي الحله
- نخلي النار وسط
- ونقلب الحله كل حبه وهيه متغطيه طبعا عشان الفشار ميتحرقش
- مش بياخد وقت علي النار يدوبك من 5 الي 10 دقايق
- اما يبطل صوت نقفل عليه
- نجيب حله او كازروله ونحط فيها نص كوباية السكر ونسيبها تسيح
- وبعدين ندوب معلقة النشا في نص كوبايه مايه
- بعدين نحط النشا اللي دوبناها في مايه علي السكر بعد ما يسيح
- ونقلب كويس ونسيبها تبرد
- وبعدين نحطها علي الفشار اللي عملناه
وبألف هنا علي قلوبكم
عندنا طريقة تانيه برده لأحلي فشار بالكراميل
مكونات فشار بالكراميل
- كوباية ذرة فشار ( من عند العطار ) او سوبر ماركت
- نص كوباية زبدة طرية
- 4 معالق كبيرة زيت
- 2 معلقة كبيره عسل
- 2 كوباية سكر بني
- نص معلقة صغيرة بيكنج بودر
- ملعقة صغيرة فانيليا
- رشة ملح
طريقة التحضير فشار بالكراميل
- نسخن الفرن
- نجيب حله ونحط فيها الزيت وبعدين نحط الذره فشار ونغطي الحله
- نخلي النار وسط
- ونقلب الحله كل حبه وهيه متغطيه طبعا عشان الفشار ميتحرقش
- مش بياخد وقت علي النار يدوبك من 5 الي 10 دقايق
- اما يبطل صوت نقفل عليه
- نجيب حلة ونحط فيها الزبدة والعسل والسكر ونسيبهم علي نار هاديه لحد ما يتكرمل ويبقي لونه ذهبي
- وبعدين نضيف الفانيليا والبيكينج بودر ونقلب علي طول
- وبعدين نحط الخليط ده علي الفشار بعد ما استوي ونقلب لحد ما يغطي الفشار
- نحط الفشار في صينيه مدهونه زيت وندخله الفرن لمدة من 10 ل 15 دقيقه
وبألف هنا علي قلوبكم
أرجو ترك تعليق بملاحظاتكم
يارب تكون طريقة عمل فشار بالكراميل عجبتكم
كل الوصفات موجوده علي التطبيق الخاص بنا
Pingback: طريقة عمل الفشار بالكاري والكركم - cook torta