طريقة عمل مربى الفراولة فتكات

من الحاجات الضرورية جدااا للفطار أو العشاء ده غير السندوتشات وكمان ليها استخدامات تانيه كتير عشان كده النهارده وصفتنا هيه المربي الفراوله سهله وبسيطه جدااا يلا بينا

مقادير طريقة عمل مربى الفراولة فتكات

• كيلو فراوله
• نص كيلو سكر
• نصف ليمونه

طريقة عمل مربى الفراولة فتكات

1. اول حاجه نشيل الورق الاخضر وبعدها هنغسل الفراوله كويس جدااا وبعدها هنشيل حته صغيره جدا من رأس الفراوله
2. وبعدها نقطع الفراوله قطع متوسطة الحجم
3. وبعدها هنزل السكر عليها ونقلبها ونسبها تنزل ميتها كلها مع السكر ليله كامله
4. ودلوقتي هنجيب حله مناسبه وننزل فيها الفراوله بالسكر كلها ونحطها علي النار و اول ما تبتدي تغلي نخفض النار
5. وبعدها الفراوله هتطلع ريما علي الوش نشليها بالمعلقه وبعدها نعصر نصف الليمونه
6. وبعدها نسبها علي النار المنخفضه عشان تستوي
7. وبعد ما تتقل وكل المياه تتبخر كده تبقي خلصت

ملحوظه

• لو مش عايزين فيها اي قطع ممكن تضربوها
• ب الهاند بليندر
• او لو مفيش اله الهرس دي ممكن بعد ما تبرد نحطها ف الخلاط ونضربها

يارب وصفتنا تكون عجبتكوا
منتظره رائيكو علي الوصفه
واللي جربها يكتب ف التعليقات ويقول طلعت ازاي معاكو

كانت معكم الشيف قمر

شاهدي : اسهل طريقة عمل عصير العنب في البيت

طريقة عمل مربى الفراولة الست غاليه

طريقة عمل مربى الفراولة فتكات

الفاكهة المحفوظة هي مكون معد من الفاكهة والخضار والسكر وغالباً ما يتم تخزينه في مرطبانات زجاجية. يتم إعداد العديد من أنواع الفواكه المحفوظة على مستوى العالم، بما في ذلك الفاكهة المحفوظة بالتسكير، مثل تلك المصنوعة من الفراولة أو المشمش وأيضا المعلبات اللذيذة مثل تلك التي تحتوى على الطماطم أو القرع.