طريقة عمل الكريب
كريب من اسهل و اسرع اطباق خفيفة ممكن تعمل في وقت قصير و مجهود بسيط
وطبعا كلنا بنموت في كريب واكل كريب عشان كده هنشرح بطريقة سهلة وبسيطه
المقادير
- مقدار نص كوب لبن
- عدد ٢ معلقة كبيرة زبده
- عدد1 كوب دقيق
- عدد ٢ بيض
- مقدار نقط زيت
- مقدار نص كوب ماء
- مقدار ربع ملعقة صغيرة ملح : و ممكن نبدلها بالفانيليا لو بنعمل كريب الحلو
طريقة تحضير كريب
- نجيب وعاء مناسب ونقوم بخفق البيض مع الدقيق وبعد كده نضيف اللبن والماء واحده واحده مع الاستمرار في التقليب و الخفق
- وبعدين نضيف الملح والزبده مع التقليب الكويس.
- ونروح علي البوتجاز ونسخن مقلاة مسطحة على النار بعد إضافة شويه زيت قليل لها
- وبعدين نروح نسكب فيها حوالي ربع كوب من الخليط لازم ناخد بالنا اننا موزاعين بالتساوي زي الصورة .
- وبعدين نسيب الخليط على النار حتي ينضج وتظهر فقاقيع وبعد نقوم نقلب العجين على الجانب الآخر حتى ينضج تماما و نرفعه من على النار.
- بعد كده نكرر طريقة عمل عجين الكريب زي الطريقة الماضيه لحد ما تخلص الكمية.
- وبعدين المرحلة الاخيرة يتم حشو الكريب بصنف من اختيارك مثل الشيكولاته او النوتيلا او المربي في حالة الكريب الحلو أو السوسيس أو الجبن او المفروم او السجق في حالة الكريب الحادق.
وكده يكون عندنا احلي كريب بالهنا والشقا من اكلات السهلة والبسيطه هي البيتزا اترك تعليق منك لي للموقع برايك في المقال
Pingback: طريقة عمل الكريب الحلو بكل اطعامه - cook torta