طريقة عمل التوست البيتي تقدم الوصفة الشيف سارة
كلنا بنحب التوست وبنحتاجه كتير وطبعا الأسعار عاليه دلوقتي تقدري تعمليه في البيت بكل سهولة وبأبسط المكونات والطعم أحلي من الجاهز كمان
طريقة عمل التوست البيتي الصحي
وصفة سهلة وبسيطة لعمل العيش التوست ( الخبز التوست) في المنزل بامكانيات متوفرة للجميع
مكونات التوست البيتي
- 3 كوب دقيق
- 25 جرام زبده بحراره الغرفه
- 3 معالق كبيرة زيت
- كوب لبن
- معلقتين لبن بودرة
- معلقة صغيرة ملح
- معلقة كبيرة خميرة
- معلقة كبيرة سكر
- ربع كوب ماء ( و نزود حسب احتياج العجينة )
طريقة عمل التوست البيتي
- نجيب طبق غويط ونحط فيه ( الدقيق + الملح + لبن بودرة + الزيت + اللبن + الزبدة + الخميرة + السكر + الماء )
- نخلط جميع المكونات كويس جدا حتي التجانس
- العجينة بتكون ناعمه جدا ومش بتلزق ولازم نعجن كتير ده سبب من اسباب نجاح العجينة
- وبعدين ندهن العجين بالزيت ونتركه في الطبق و نغطيه بفوطه نظيفه ونسيبه يخمر لمدة ساعة تقريبا
- وبعدين ناخد العجينه و نبططها بإيدينا ونلفها رول ونخلي مكان قفلة الرول من تحت
- وبعدين نجيب قالب التوست وندهنه زبدة ورشة دقيق
- وبعدين نجيب العجينة اللي لفناها رول ونحطها في القالب ونبططها بإيدينا بسيط
- ونغطي القالب ونسيب العجينه تخمر تاني
- وبعدين نجيب القالب بعد ما سيبنا العجينة تخمر وندهن الوش زيت
- وندخله فرن على درجه حراره 170
- وعشان نعرف نقطعها لازم نستني لآخر اليوم أو نقطعها تاني يوم
وبألف هنا وشفا علي قلوبكم أرجو ترك تعليق بملاحظاتكم
حمل ايضا : كل الوصفات وطرق تحضير الطعام موجوده علي التطبيق الخاص بنا
شاهدي ايضا : طريقة عمل العيش البيتي بسهولة في البيت
“فضلا منك وليس أمرا إذا أعجبك وصفة العيش التوست يرجى منكم التكرم بوضع إعجاب وتعليق ومشاركة الوصفة لأصدقائك“
