طريقة عمل سلطة سيزر

وايضا من المقبلات السهلة طريقة عمل سلطة الطحينه

مكونات سلطة سيزر

صدور دجاج ( الكمية حسب الرغبة )
حزمة خس أو كابوتشا
فلفل ألوان
لتتبيلة الفراخ ( ملح _ فلفل _ ثوم بودرة _ زعتر _ بابريكا _ معلقة كبيرة خل _ بصل بودرة _ ربع كوب زيت )
الصوص ( 4 معالق مايونيز كبار _معلقة كبيرة من الصويا صوص _ معلقة كبيرة مسطردة _ معلقة كبيره كاتشب _ 3 معالق زيت زيتون )

نغسل الفراخ كويس ونصفيها
نجيب طبق ونحط فيه ( صدور الفراخ + ملح + فلفل + ثوم بودره + بصل بودره + بابريكا + زعتر + معلقة كبيره خل + ربع كوب زيت )
نخلط المكونات كويس مع صدور الفراخ
ونسيبها في التتبيله حوالي نص ساعه عشان تتشربها كويس
بعد ما يعدي نص ساعه هنجيب طاسه نحطها علي نار متوسطه فيها حوالي معلقة زيت
ونحط قطع الفراخ ولما تاخد لون من ناحية نقلبها علي الناحيه التانيه لحد ما تاخد لون برده
ولما تتحمر كويس من الجنبين نشيلها من الطاسه علي طبق
نغسل الكابوتشا كويس ونقطعها شرايح رفيعه ونحطها في طبق
نغسل الفلفل الالوان كويس ونقطعه شرايح برده ونحطه في طبق

طريقة عمل الصوص

نجيب طبق ونحط فيه ( 4 معالق مايونيز كبار _معلقة كبيرة من الصويا صوص _ معلقة كبيرة مسطردة _ معلقة كبيره كاتشب _ 3 معالق زيت زيتون )
نخلط مكونات الصوص كويس اوي مع بعض
وبعدين نجيب الفراخ اللي شوناها ونقطعها شرايح زي الكابوتشا والفلفل الالوان
ونجيب طبق التقديم ونحط شرايح الكابوتشا ( الخس ) الأول وبعدين شرايح الفلفل الالوان وبعدين شرايح الفراخ كله فوق بعضه
وبعدين نحط عليهم الصوص من فوق

وبألف هنا وشفا علي قلوبكم

يارب تكون طريقة عمل سلطة سيزر بالدجاج تكون عجبتكم

أرجو ترك تعليق بملاحظاتكم

وايضا مفيش احلي من عصير ليمون جنمب سطلة السيز طريقة عمل عصير الليمون بالنعناع