طريقة عمل الزبادي في البيت

 كل سنه وانتم طيبين وبخير ورمضان كريم عليكم جميعا طبعا الزبادي حاجه أساسي في السحور معانا طب ليه تشتريها اما ممكن تعمليها في البيت بكل بساطه ونتيجه مضمونه ان شاء الله و زي الجاهز بالظبط ولكن احلي لانه بيتي ومضمون يالا بينا نشوف الطريقة مع بعض

مكونات طريقة عمل الزبادى البلدى للمحلات

• كيلو لبن
• علبة زبادي بلدي

طريقة عمل الزبادي العادي

1. اول حاجه هنغلي اللبن ونسيبه لحد اما يبقي دافي لا ساقع ولا ساخن ( شرط يكون دافئ ) عشان الزبادي اللي هنعملها تخمر كويس
2. وعلبة الزبادي تكون بدرجة حرارة المطبخ
3. بعدين هنفضي علبة الزبادي في طبق ونفضل نقلب فيها كويس جدا عشان نفكها من بعض لحد اما نلاقي شكلها بقي كريمي كده
4. وبعدين هنحط علي الزبادي كام معلقة من اللبن الدافئ ونقلبهم مع بعض كويس
5. وبعدين هننزل الزبادي اللي قلبناها كويس علي كمية اللبن كلها ونقلبهم مع بعض كويس
6. بعدين هنجيب صينية الومنيوم ونرص فيها كوبايات او اطباق زجاج بأغطية
7. وبعدين هنصب في الكوبايات اللبن
8. وبعدين هنغطي الكوبايات كويس
9. وبعدين هنحط في الصينية ماية ساخنه ( ليست مغلية )
10. واحنا شغالين في الزبادي نشغل الفرن يسخن شوية
11. وبعدين نطفيه وبعدين نحط الصينية اللي فيها الكوبايات والمايه الساخنه براحه في الفرن ونقفل الفرن ونتركها لمده لا تقل عن خمس ساعات بعد كده هنطلع الصينية وندخلها الثلاجه لمدة أربع ساعات للتماسك أكثر
12. وبعدين دوقوا أحلي زبادي وكمية ماشاء الله حلوه وتوفير

ملحوظه طريقة عمل الزبادي في البيت :

•  يمكن مضاعفة المكونات حسب الرغبة .
• يمكن استخدام كوب أو طبق من الزبادي اللي عملناه مع كيلو لبن اخر لعمل زبادي مرة اخري .

وبألف هنا وشفا علي قلوبكم أرجو ترك تعليق بملاحظاتكم رمضان مبارك عليكم

فوائد الزبادي قبل النوم

1. يساعد لبن الزبادي على التمتع بنوم هادئ ومريح
2. يحارب لبن الزبادي الاكتئاب الذي قد يكون سبباً من أسباب الأرق وعدم القدرة على النوم
3. قد يقلل لبن الزبادي من خطر ارتفاع ضغط الدم
4. لبن الزبادي على منع حدوث هشاشة العظام
5. يعمل على تحسين عملية الهضم.
6. ينقي جسم الانسان من السموم.
7. يعمل على انقاص الوزن
8. يعمل على تجديد خلايا البشرة و علاج حب الشباب.
9. قد تساعد البكتيريا الجيدة النشطة في اللبن على الحفاظ على صحة الأمعاء، ومساعدتها على التعامل مع بعض الظروف الصحيّة التي تصيبها كالإمساك، والإسهال، وسرطان القولون

اسعار ماكينة الزبادي في مصر 2020 

طريقة عمل الزبادى في المنزل بالماكينة

• صانع الزبادي من ارييت السعر : 400 جنية مصرى. الطاقة: 15 واط
• ماكينة يوجو من نوفال السعر : 426 جنية مصرى.
• ماكينة صنع الزبادي من زهران السعر : 355 جنية مصرى
• ماكينة صنع الزبادى من مور السعر : 325 جنية مصرى.

طريقة عمل الزبادي البيتي

طريقة عمل الزبادي في البيت سالي فؤاد

طريقة عمل الزبادى للشيف حسن

الحَلِيبُ أو اللبن هو مادة غذائية سائلة تُفرز من ثدي أنثى الحيوانات من عائلة الثدييات. ويحوي الحليب على المكونات الغذائية الأساسية للرُضّع قبل أن يتمكنوا من تناول وهضم أنواع الغذاء المختلفة. كما أن الحليب هو المكون الأساسي لمنتجات الألبان كاللبن الرائب، زبادي، القشدة، الجبن، الزبدة، حليب مجفف، وغيره.

الرَّوْب أو الرائب أو الخاثر، هو أحد نواتج الحليب، يتم الحصول عليه من أي نوع من أنواع الحليب وذلك بتخميره بواسطة بكتيريا لبنية أو فطريات خاصة. وعموما يستخدم حليب البقر لهذا الغرض، كما يستخدم حليب الغنم الخيل في بعض المناطق.