السينابون مع الصوص تقدم الوصفة الشيف قمر

  من الاكلات الجميله جداا  اللي مفيش حد مبيحبهاش بالاضافه انها مكلفه عشان بنجبها من بره بس النهارده وصفتنا انشاء الله تبقي سهله عليكوا يلا بيناااااا

اسهل طريقة لعمل السينابون

طريقة سهلة  وبسيطة لعمل السينابون جديده و سهلهلكي  تكتشفوا وصفة  بطريقة تحضير واضحة

المكونات

• 3 اكواب دقيق
• 3ملاعق كبار مايونيز
• 3ملاعق كبار لبن بودر
• 2كوب صغير زبادي
• 3ملاعق صغيره خميره فوريه
• 3ملاعق صغيره سكر
• رشه ملح
• ملعقه ونصف بيكنج بودر
• ربع كوب ماء دافي (لتخمير الخميره)

طريقة السينابون الاصليه

1. اول حاجه هنعملها وهوه انه هنحط الخميره والسكر ونقلبهم ونسبهم يتخمروا (عشان نختبرها ونتاكد انها تخمر العجينه )
2. دلوقتي نجيب طبق مناسب ونحط فيه الدقيق هنحط عليه الملح والبيكنج بودر واللبن البودر ونقلبهم كويس وبعدها نضيف المايونيز والزبادي ودلوقتي تكون الخميره فارت ننزلها ع كل المكونات دي ونبتدي نعجن كويس لحد ما تبقي قطعه واحده وبعدها نرش الرخامه بالدقيق ونبتدي نفرد ونلم مش اقلل من 5 دقايق
3. هتكون بتلزق شويه بس بعد ما نعجن فيها تبقي مش بتلزق ولو حصل ممكن رشه دقيق وبعد ما نخلص ندهن الطبق والعجينه بزيت خفيف ونسبها تتخمر ف الفرن فتحناه وقفلناه (يعني هتتخمر اسرع عشان كان فيه حراره ف الفرن)
4. ونسبها نص ساعه

حشو  عجينه السينابون

1. دلوقتي بعد ما العجينه اتخمرت هنرش دقيق
2. ع الرخامه ونفردها بالنشابه حوالي لحد نص سم
3. ونجي بقي للحشو بسيطه جداااااا وعباره عن
4. 3 ملاعق كبار زبده (متكونش سايح)
5. نص كوب سكر بني (ممكن سكر ابيض وعليه معلقه عسل اسود)
6. 2 ملعقه كبار قرفه
7. هندهن الزبده علي العجينه كلها ونوزع السكر كويس ونرش القرفه كويس علي العجينه كلها
8. وبعدها نلف العجينه رول براحه بعد ما نخلص
9. نقطع ع بعد من 5 او 7 سم او ممكن نقيس ب 3 اصابع (يعني كل 3 اصابع ونقطع) عشان
10. نضمن انها تكون متساويه
11. ونحطهم ف صنيه مدهونه زيت يا اما فيها ورق زبده ونسيب ما بينهم مسافات عشان لسه هتتخمر تاني ونبططها بايدينا شويه وبعدها نسبها تتخمر ف مكان دافي  وبعد ما تتخمر هندخلها فرن ع درجه حراره 200 ونسبها تتخبر

الصوص  ف كابه هنحط

• 1 كوب سكر بودر
• 1 كوب لبن بودر
• 3 ملاعق زبده سائحه
• 3 مكعبات جبنه
• ربع كوب ماء دافي
• ونضرب كويس لحد ما يتمزجوا مع بعضهم

ملحوظه 1

الصوص لما بيعقد شويه بيتقل

ملحوظه 2

متسبيش السينابون كتير ف الفرن لانه مفرغ وهيستوي بسرعه

ملحوظه 3

لازم ف اي وصفه حادقه او حلوه طالما هنعملها ف الفرن يبقي نشغل الفرن من قبلها عشان يبقي سخن

ملحوظه 4

مستنيه كل تعليقاتكم ع الوصفه واللي جربها ياريت يقول طلعت ازاي معاكم

                                   وبالهنا والشفا

حمل ايضا : كل الوصفات وطرق تحضير الطعام موجوده علي التطبيق الخاص بنا 

 “فضلا منك وليس أمرا إذا أعجبك وصفة اسهل طريقة لعمل السينابون يرجى منكم التكرم بوضع إعجاب وتعليق ومشاركة الوصفة لأصدقائك“

السينابون الأصلي | سالي فؤاد

سر عمل السينابون في المنزل بنتيجة مثالية مثل الجاهز مع طريقة بسيطة لصوص الجبنة الذي يضاف على الوجه