وصفة مكرونة بالبشاميل

 وصفة مكرونة بالبشاميل طبعا المكرونة بالبشاميل لا غني عنها في العزومات وكلنا بنحبها يالا بينا نشوف طريقة حلوه جدا للبشاميل

مقادير طريقة المكرونة بالبشاميل باللحمة المفرومة

كيسين مكرونة قلم مسلوقة ( الكمية حسب الرغبة )

مقادير طريقة تعصيج اللحمة المفرومة 

• نص كيلو لحمة مفرومة ( الكمية حسب الرغبة )
• 2 بصلة وسط مفرومة
• فلفل اسود
• ملح
• بهارات لحمة
• كزبرة ناشفة
• زعتر

مقادير طريقة عمل البشاميل بالتفصيل :

• 3 معالق كبار سمنة + 3 معالق كبار زيت
• 7 أو 8 معالق دقيق
• كيلو لبن مغلي مسبقا ويكون بارد
• 3 أو 4 كوبايات شوربة لحمة أو شوربة فراخ ( إن لم يتواجد يمكن استعمال ماء سلق
• المكرونة بدلا من الشوربة )
• 4 بيضات بدرجة حرارة الغرفة
• جبنة موتزريلا
• فلفل اسود
• ملح
• كزبرة ناشفة
• زعتر

طريقة عمل المكرونة بالبشاميل تحفه

اقر ايضا : شاهد طريقة عمل كرات المكرونة بالبشاميل بسهولة

اقر ايضا : طريقة عمل مكرونة الفريدو بالصوص الابيض

طريقة تعصيج اللحمة للمكرونه البشاميل

1. نجيب طبق غويط ونحط فيها اللحمة المفرومه والبصل المفروم وفلفل اسود و ملح وكزبرة ناشفه و زعتر و بهارات لحمة ونقلبهم مع بعض كويس جدا
2. وبعدين نجيب طاسة ونحطها علي نار متوسطة ونحط فيها معلقة سمنة بلدي وسط
3. وبعدين نحط في الطاسة خليط اللحمة المفرومة ونهدي النار شوية عشان اللحمة تستوي براحتها

طريقة عمل البشاميل بالتفصيل

1. نجيب حلة ونحطها علي نار متوسطة وبعدين نحط فيها السمنه و الزونقلب
2. وبعدين نحط الدقيق ونقلبه كويس مع السمنه والزيت لمدة خمس دقايق
3. وبعدين نحط اللبن البارد مع التقليب المستمر ( عشان ميعملش كتل )
4. وبعدين نحط الشوربة مع التقليب المستمر( لو البشاميل عمل كتل معانا ( كلكع يعني ) ممكن نضربه في الخلاط ونرجع نحطه في الحلة علي النار عادي )
5. وبعدين نحط علي البشاميل فلفل اسود و ملح و كزبرة ناشفة و زعتر مع التقليب المستمر حتي الحصول علي القوام المطلوب
6. وبعدين نترك البشاميل علي جنب ليبرد قليلا حتي نستطيع ان نضع البيض
7. بعد اما البشاميل يبرد شويه نحط بيضتين ونقلب
8. ونحط علي البشاميل حبه جبنة موتزريلا ونقلب
9. وبعدين نجيب الطبق اللي فيه المكرونه المسلوقه ونحط علي المكرونه جزء من البشاميل ونقلبهم مع بعض
10. وبعدين نجيب صينية مستطيلة أو مدورة ونحط طبقة فيها نص كمية المكرونة ونساويها
11. وبعدين نحط فوق المكرونة طبقة اللحمة المفرومة ونساويها
12. وبعدين نحط فوق طبقة اللحمة المفرومة الجزء الباقي من المكرونة ونساويه
13. وبعدين نحط بيضتين علي باقي كمية البشاميل ونقلب
14. وبعدين نصب باقي كمية البشاميل علي وش الصينية بالتساوي
15. وبعدين ندخل الصينية الفرن علي درجة حرارة 190 لمدة 45 دقيقة وبعدين نشغل الشواية عشان تاخد لون
16. وبعدين نطلع الصينية وتقطع بعد ان تهدأ

وتقدم ساخنه بجانب بطاطس او شيبسي او مخلل أو فراخ مشويه أو شيش طاووق

وبألف هنا وشفا علي قلوبكم يارب تكون نالت اعجبكم وصفة مكرونة بالبشاميل
أرجو ترك تعليق بملاحظاتكم كل سنه وانتم طيبين

طريقة عمل مكرونة بشاميل باللحمة المفرومة بالصور فتكات

طريقة عمل المكرونة بالبشاميل الست غالية

اللحم عبارة عن نسيج حيواني يشكل أحد أغذية الإنسان، وفي معظم الأحيان يقصد به النسيج العضلي الحيواني والدهن المتعلق به، ولكن أحيانا يقصد به الأعضاء غير العضلية مثل الرئة، والكبد، والجلد، والمخ، ونخاع العظم والكلى، وتسمى اللحوم المجردة عن العظام هبرة.

المعكرونة أو المكرونة أو باستا هي أحد المعجنات الجافة المجوفة ومنها الأسطواني مشطوف الأطراف أو الحلزوني أو الصدفي، وتُصنع من القمح الصلب أو الأرز وتطهى في الماء أو المرق.

الحَلِيبُ أو اللبن هو مادة غذائية سائلة تُفرز من ثدي أنثى الحيوانات من عائلة الثدييات. ويحوي الحليب على المكونات الغذائية الأساسية للرُضّع قبل أن يتمكنوا من تناول وهضم أنواع الغذاء المختلفة. كما أن الحليب هو المكون الأساسي لمنتجات الألبان كاللبن الرائب، زبادي، القشدة، الجبن، الزبدة، حليب مجفف، وغيره.