كيكة التمر بالتوفي والمكسرات

كيكة التمر سهلة جدا ومفيدة والأطفال هيحبوها جداا سهلة جدا وبمكونات بسيطة ومتوفرة في كل بيت والطعم والرائحة تحفة

المكونات  كيكة التمر اللذيذه

• 2 كوب دقيق منخول
• كيس بيكنج بودر أو ( ثلاث معالق صغيرة )
• رشة ملح
• كوب تمر منزوع النوى
• معلقة كبيرة قرفة
• كوب لبن ( حليب )
• كوب سكر ناعم الحبيبات
• نص كوب زيت
• 4 بيضات
• 2 كيس ڤانيليا

للتزيين كيكة التمر بالتوفي :

• جوز هند
• سوداني مجروش
• فستق
• لوز
• أي مكسرات تحبوها

حمل أيضا  :    كل الوصفات وطرق تحضير الطعام موجوده علي التطبيق الخاص بنا 

طريقة التحضير كيكة التمر بالتوفي

1. نجيب الخلاط ونحط فيه البيض والفانيليا ونضربهم كويس جدا ( أو ممكن نستخدم المضرب الكهربائي )
2. وبعدين نضيف الزيت والسكر واللبن ونستمر بالخفق حتي نحصل على خليط كريمي
3. وبعدين ننزل كوب التمر بالتدريج علي الخليط ونستمر في الخفق
4. وبعدين نجيب طبق ونحط فيه ( الدقيق + رشة ملح + البيكنج بودر + معلقة القرفة ) ونقلبهم مع بعض كويس
5. وبعدين ننزل الخليط اللي في الخلاط علي خليط الدقيق اللي في الطبق ونقلبهم كويس جدا مع بعض وكده خليط الكيك جاهز عندنا
6. هنجيب صينية مدهونة بالزيت ونبطنها كويس بالدقيق أو نحط ورق زبدة وبعدين نحط فيها خليط الكيك
7. و نزين الوش بالمكسرات ( جوز هند أو لوز مطحون أو سوداني مجروش أو فستق مطحون ) أي مكسرات تحبوها
8. وبعدين ندخلها الفرن على الرف الاوسط علي درجة حرارة 180 لمدة 40 دقيقة ممكن أقل أو أكثر علي حسب درجة سخونة كل فرن
9. وبعدين نختبر الكيك ونشوفها استوت ولا لسه بأننا نجيب عود خشب بتاع الشيش طاووق ندخله في الكيك لو طلع نضيف يبقي استوت ولو طلع فيه خليط الكيك يبقي نسيبها خمس دقائق كمان

وبألف هنا وشفا علي قلوبكم
أرجو ترك تعليق بملاحظاتكم

شوف ايضا : طريقة عمل مولتن كيك بسهولة في البيت

 “فضلا منك وليس أمرا إذا أعجبك الوصفة يرجى منكم التكرم بوضع إعجاب وتعليق ومشاركة الوصفة لأصدقائك“

كيكة التمر بالتوفي هشه جدا والطعم جنااااان/كيكة التمر الفاخرة

كيكة التمر بالتوفي

الكعك أو الكيك أو الكاتو أو الجاتوه أو الطرطة هو نوع من الطعام غالباً ما يكون حلواً، ويُصنع عادة عن طريق الدقيق. يتكون الكعك من دقيق وعوامل التحلية كالسكر وبعض الأمور الأخرى كالبيض والدهون أو الزبدة وسوائل كالحليب وبعض المحليات والخميرة.