كيكة التمر بالتوفي الهشه عالم حواء

اعملي كيكة التمر بالتوفي وده واحده من  أطيب الكيكات التي تمد الجسم بالطاقة والحيوية خصوصاً ان التمر يزيد من نسبة الحديد والمناعة في الدم و الجسم

مكونات كيكة التمر بالتوفي فتافيت

• 2 كوب دقيق منخول
• كيس بيكنج بودر أو ( ثلاث معالق صغيرة )
• رشة ملح
• كوب تمر منزوع النوى
• معلقة كبيرة قرفة
• كوب لبن ( حليب )
• كوب سكر ناعم الحبيبات
• نص كوب زيت
• 4 بيضات
• 2 كيس ڤانيليا

طريقة التحضير كيكة التمر اللذيذة

1. اولا نجيب الخلاط ونحط فيه البيض والفانيليا ونضربهم كويس جداا ( أو ممكن نستخدم المضرب الكهربائي )
2. وبعدين نضيف الزيت والسكر واللبن ونستمر بالخفق حتي نحصل على خليط كريمي
3. وبعدين ننزل كوب التمر بالتدريج علي الخليط ونستمر في الخفق
4. وبعدين نجيب طبق ونحط فيه ( الدقيق + رشة ملح + البيكنج بودر + معلقة القرفة ) ونقلبهم مع بعض كويس
5. وبعدين ننزل الخليط اللي في الخلاط علي خليط الدقيق اللي في الطبق ونقلبهم كويس جدا مع بعض وكده خليط الكيك جاهز عندنا
6. هنجيب صينية مدهونة بالزيت ونبطنها كويس بالدقيق أو نحط ورق زبدة وبعدين نحط فيها خليط الكيك
7. وبعدين ندخلها الفرن على الرف الاوسط علي درجة حرارة 180 لمدة 40 دقيقة ممكن أقل أو أكثر علي حسب درجة سخونة كل فرن
8. وبعدين نختبر الكيك ونشوفها استوت ولا لسه بأننا نجيب عود خشب بتاع الشيش طاووق ندخله في الكيك لو طلع نضيف يبقي استوت ولو طلع فيه خليط الكيك يبقي نسيبها خمس دقائق كمان

شاهد ايضا : احسن طريقة كيكة الشوكولاته بصوص الشوكولاته

 “فضلا منك وليس أمرا إذا أعجبك الوصفة يرجى منكم التكرم بوضع  تعليق ومشاركة الوصفة لأصدقائك“

القرفة هي لحاء نبات شجرة دائمة الخضرة استوائية كثيفة يمكن أن يصل ارتفاعها من عشرة إلى أربعين متراً. موطنها سريلانكا لكن أيضًا تزرع في جنوب شرق آسيا، وأمريكا الجنوبية والهند الغربية. من فصيلة السمروبيات، ساقها منتصبة تعلو 3 – 5 أمتار، الأوراق متعاقبة مركبة، والأزهار صفراء صغيرة، والثمرة صغيرة تشبه القرنفل.

التمر هو ثمرة أشجار نخيل التمر وهو أحد الثمار الشهيرة بقيمتها الغذائية العالية وهي فاكهة صيفية تنتشر في الوطن العربي.