كفتة الدجاج بالفرن تقدم الوصفة الشيف سارة
كلنا متعودين دائما نعمل كفتة لحم لكن عندنا طريقة جديدة وسهلة جدا وبأبسط المكونات وهيه كفتة الفراخ
طريقة عمل كفتة الدجاج بالفرن
مكونات كفتة الفراخ فى الفرن
- صدور فراخ
- بصلة متوسطة
- فلفل أسود
- ملح
- بهارات فراخ
- كزبرة ناشفة
- زعتر
- ثوم بودر
- بصل بودر
- جنزبيل
طريقة التحضير كفتة الدجاج بالفرن
- نغسل صدور الفراخ كويس جدا بالخل ونصفيها
- وبعدين نجيب الكبة ونحط فيها ( صدور الفراخ + بصلة متوسطة )
- ونفرمهم كويس جدا مع بعض
- وبعدين نجيب طبق ونحط فيه الصدور اللي فرمناها ونعجنها بإيدينا كويس
- وبعدين نضيف عليها ( فلفل اسود + ملح + بهارات فراخ + كزبرة ناشفة + زعتر + بصل بودر + ثوم بودر + جنزبيل )
- ونعجن كله مع بعض كويس جدا حتي التجانس
- وبعدين نصبع الكفته علي معلقة خشب عشان تبقي مفرغه وتستوي كويس
- وبعدين نجيب صينيه وندهنها زيت أو سمن زي ما نحب بس طبعا الزيت أخف
- وبعدين نرص فيها الكفته اللي صبعناها لحد ما نخلص الكمية
- وبعدين ندخلها الثلاجه ترتاح لمدة عشر دقائق ( تتشمع يعني وتمسك نفسها )
- وبعدين ندخلها علي الفرن ويكون سخن طبعا علي درجة حرارة 180 أو علي حسب سخونة الفرن
- بتستوي أسرع من كفتة اللحم طبعا
- واول ما الوش يحمر نطلعها
- وتقدم مع مكرونة بصلصة الطماطم وبطاطس مقلية ومخلل وكول سلو و ثومية أو سلطة طحينة
كل الوصفات وطرق تحضير الطعام موجوده علي التطبيق الخاص بنا
وبألف هنا وشفا علي قلوبكم أرجو ترك تعليق بملاحظاتكم
“فضلا منك وليس أمرا إذا أعجبك الوصفة يرجى منكم التكرم بوضع إعجاب وتعليق ومشاركة الوصفة لأصدقائك“
كفته الفراخ في الفرن بطريقه سهله وبسيطة
الدجاج وهو حيوان مستأنس، ويعد من الطيور الدواجن، قصير الجناحين والذَّنب، ذكره يسمى ديكاً. ويكيبيديا
