طريقة عمل الكانيلوني الجاهز الكانيلوني من الوصفات السهلة جداا و الطعم تحفة وطبعا بتتباع براا غالية جدا وعندنا بقااا أسهل وصفة للكانيلوني ومنها كانيلوني بالبشاميل و الكانيلوني بالدجاج و الكانيلونى باللحمة المفرومة تقدم الوصفة الشيف سارة 

طريقة عمل كانيلوني بالبشاميل محشو لحم مفروم او دجاج

اعرفي سر طريقة التحضير و كل التفاصيل واستمتعي باحلي طعم

المكونات طريقة عمل الكانيلوني الجاهز بالدجاج او باللحمة المفرومة

العجينة  عمل الكانيلوني :

• كوب دقيق
• كوب لبن
• 3 بيضات
• ذرة ملح
• حبة فلفل أسود صغيرين

الحشو  الكانيلوني بالدجاج او  باللحمة المفرومة:

• نص كيلو لحم مفروم
• بصلتين كبار مفرومين ناعم
• زعتر
• كزبرة ناشفة
• فلفل اسود
• ملح
• توابل لحمة
• فلفل اخضر متقطع مكعبات صغيرة
• طماطم متقطعه مكعبات صغيرة

للوجة  الكانيلوني :

• بشاميل خفيف ( معلقة زبدة أو معلقة سمنة بلدي + معلقة + معلقة دقيق كبيرة + كوب لبن + حبة ملح )
• جبن شيدر أو جبنة رومي مبشور أو بارميزان
• صلصة طماطم

طريقة عمل الكانيلوني الجاهز

1. نجيب طبق غويط ونحط فيه ( اللحم المفروم + البصل المفروم + الزعتر + كزبرة ناشفة + فلفل اسود + ملح + توابل لحمة )
2. ونعجن كل المكونات كويس جدا حتي التجانس
3. وبعدين نجيب طاسة علي نار متوسطه ونحط فيها معلقتين سمنة بلدي أو معلقتين زبدة
4. وبعدين ننزل باللحم المفروم بعد ما خلطنا مكوناتها كويس في الطاسه
5. ونقلب كويس عشان متكونش قطع ونستمر في التقليب حتي النضج .. وكده اللحم المفروم جاهز
6. وبعدين نجهز العجينة :
   نجيب الخلاط ونحط فيه ( كوب دقيق + كوب لبن + 3 بيضات + ذرة ملح + حبة فلفل اسود صغيرين )
7. وبعدين نشغل الخلاط لتجانس جميع المكونات جيدا
8. وبعدين نجيب طاسة تيفال ( مش بتلزق ) علي نار متوسطه وبالمغرفة نصب حبة من العجينة بحيث تصبح رقيقه وتترك حتي ينضج القاع ثم تقلب علي الناحية الأخري
9. وهكذا مع باقي العجينة
10. واللي نطلعه نغطيه عشان مينشفش

ونجهز البشاميل :

1. نجيب كزرولة أو حلة صغيرة ونحط فيها معلقة زبدة أو سمنة بلدي
2. وبعدين نحمر فيها معلقة دقيق كبيرة ونقلب كويس
3. وبعدين ننزل بكوباية لبن وحبة ملح ونقلب حتي يتماسك الخليط .. وكده البشاميل جاهز
4. وبعدين نجيب العجينة بعد ما خلصناها ونحشي كل واحده بالحشو اللي عندنا
5. اللي هوه عبارة عن ( اللحم المفروم المعصج + قطع الطماطم + قطع الفلفل )
6. وبعدين نلف كل واحدة اسطوانه ونرصها في طبق الفرن أو صينية
7. بعد ما نرص كل الكمية
8. نصب البشاميل الخفيف علي الوش
9. وبعدين نصب صلصة الطماطم علي الوش
10. وبعدين نرش الوش بالجبنة
11. وندخل الصينية الفرن على درجه حراره 180 لمدة 15 دقيقة أو أقل علي حسب حرارة الفرن ولحد ما الجبنة تاخد لون ( لو مأخدتش لون ممكن نشغل الشواية )

وتقدم مع سلطة و بطاطس مقلية – طريقة عمل البطاطس الفرنسيه المقرمشه الفرسكس و كول سلو – طريقة عمل سلطة كول سلو

وبألف هنا وشفا علي قلوبكم 
أرجو ترك تعليق بملاحظاتكم و ياريت تسيبي تعليق برايك في الاكلة 

طريقة عمل كانيلوني باللحمة المفرومة وصوص البشاميل

https://www.youtube.com/watch?v=cU_5wImXi44

كانيلوني باللحم المفروم | الشيف شربيني

كانيلوني الدجاج | سالي فؤاد

كانيلوني بالدجاج و البشاميل | نجلاء الشرشابي

كانلوني هي نوع من المعكرونة الإيطالية المستطيلة، تلفّ بشكل دائري أو اسطواني. تطهى على النار ثم تضاف في داخلها الحشوة والصلصة. تحضّر عادةً عجينة الكانلوني من الحليب، البيض، الطحين، الملح والفلفل. أما الحشوة فتحضّر من اللحم، البصل، البازيلاء، الجبن

صَلصة البَشاميل والمَعروفة أيضاً بِـالصَلصة البَيضاء، وهيَ تتكون مِن خَليط من الزُبدة والَطحين مَع الحَليب. تَرجِع صلصة البَشاميل في أصلِها إلى المَطبخ الفَرنسي، حيث تُستخدم كَقاعدة وأساس للصَلصات الأُخرى كَصلصة مورناي