طريقة عمل قطايف رمضان

أحلي قطايف بيتي وسهله جدا و أحلي من الجاهز طبعا و رمضان لا يحلو من غير القطايف و طريقة عمل زلابية (لقمة القاضي) و طريقة عمل بلح الشام المقرمش و طريقة عمل مهلبية مشمش و عصائر رمضان طريقة عمل عصير المانجو و طريقة عمل الخشاف و طريقة عمل الخروب قطايف تقدم لكم الوصفة الشيف سارة 

مكونات عجينة قطايف رمضان

• 2 كوب دقيق
• 2 كوب ماء دافيء
• ملعقه صغيره سكر
• معلقة صغيره خميره
• معلقة كبيرة لبن بودره
• رشة ملح

أسهل طريقة لعمل عجينة القطايف

1. نجيب الخلاط ونضع كل المكونات في الخلاط ونضرب كويس
2. بعدين نفضي الخليط في طبق غويط ونغطيه
3. نترك الخليط عشان يخمر لمدة ساعه
4. وبعدين نجيب الخليط ونشوفه هنلاقيه عمل زي رغاوي يبقي كده خمر
5. نجيب طاسة طبعا يكون نوعها مش بيلزق عشان العجين ميلزقش
6. نسخن الطاسه كويس وبعدين نهدي النار
7. ونجيب كبشه أو مغرفه وناخد من الخليط وننزل ف الطاسه
8. هيعمل زي قرص مدور طبعا حجمه علي حسب الرغبه
9. هنلاقيها عملت زي فقاقيع كده وتبقي استوت لما شكل العجين يختفي وبس كده
10. مش بنقلبها علي الوش التاني
11. ونغطي طبعا اللي استوي وطلعناه عشان مينشفش
12. كده القطايف جاهزه عندنا

نيجي للسيرب أو الشربات

المكونات الشربات

• 4 كوب سكر
• 4 كوب ماء
• كيس فانيليا
• نص ليمونه

طريقة عمل الشربات للقطايف

1. نحط حله علي النار
2. نضع فيها السكر والمايه ونقلب لحد اما السكر يدوب
3. وبعدين نسيبه يغلي لمدة 10 دقايق
4. بعدين نحط الفانيليا والليمون ونقلب ونسيبه يغلي لمده 5 دقايق
5. نطفي النار ونتركه يبرد تماما
6. بعدين ندخل الشربات في الثلاجه

نيجي الي  حشو القطايف بقااا

مقادير قطايف رمضان

• فول سوداني مجروش او مطحون + زبيب + جوز هند + فستق مجروش + بندق مجروش + حبه قرفه + حبه سكر

طريقة عمل القطايف بالبيت

• نخلط كل المكونات كويس
• ونحشي كل حبة قطايف في الجنب اللي مش متحمر ( الفاتح )
• ونقفلها علي شكل نص دايره ونضغط كويس علي اطرافها عشان تتقفل كويس ومتتفتحش واحنا بنقليها في الزيت
• نقلي القطايف في زيت سخن وغزير لحد ما تتحمر
• ونكون طلعنا السيرب او الشربات من الثلاجه
• ونطلع القطايف من الزيت علي السيرب علي طول ونقلبها كام مره في السيرب
• منسبهاش كتير في السيرب عشان متبقاش طريه أوي وتفضل مقرمشه
• وبعدين نطلعها من السيرب علي مصفي تحتها طبق عشان القطايف تتصفي من السيرب الزياده
• وكده بقي عندنا أحلي قطايف وأحلي من الجاهز طبعا

بألف هنا علي قلوبكم

اقرا ايضا : طريقة عمل الخروب مثل المحلات و احلي 

اقرا ايضا : طريقة عمل لقمة القاضي علي اصوالها

اقرا ايضا : طريقة عمل بلح الشام المقرمش زي المحلات بالظبط

طريقة عمل القطايف في المنزل

أرجو ترك تعليق بملاحظاتكم

طريقة عمل القطايف نجلاء الشرشابي

قطايف من أشهر الحلويّات العربيّة التقليديّة المحبّبة والمميّزة، ومن طقوس شهر رمضان المبارك، حيث تصنع حبة القطايف على شكل هلال نسبة لهلال شهر مضان، ويتمّ تناولها بعد وجبة الإفطار وعلى السحور كذلك، وهي عبارة عن فطيرة مكوّنة من عجينة سائلة مخبوزة، .