طريقة عمل شاورما اللحم فتكات في المنزل بكل سهولة

شاورما اللحم المصري ع اصولها وصفتنا النهارده تحفه جدااااا وشهيه جداااااا ومفيش اسهل من كده وبتمناه تجربوها يلاااا بينااااا طريقه الشاورما المصريه تقدم الوصفة الشيف قمر

الشاورما

ونبتدي ف اول حاجه وهيه الشاورما

مكونات شاورما اللحم المصري

نص كيلو لحمه متقطعه تقطيعه شاورما من الجزار

التوابل

ملعقه كبيره لكل من

• بصل بودر
• ثوم بودر
• سبع بهارات
• كمون
• بابريكا
• ملح وفلفل
• رشه جوزه الطيب
• ورشه قرفه
• 3 ملاعق كبار خل ابيض

طريقة عمل شاورما اللحم فتكات

هنمزج كل البهارات مع اللحمه ونسبها ع جنب لو مستعجلين لكن يفضل انه تعقد ساعه ف الثلاجه 

الطحينه

• 2 ملاعق كبار طحينه
• نص عصير ليمونه
• 2 ملاعق كبار خل
• ونخففها بمياه دافيه بالتدريج لحد ما يكون ف قوام الصوص ودلوقتي بقي هنتبلها

التوابل

• ملعقه صغيره من الثوم البودر
• ملعقه صغيره من البصل البودر
• بابريكا
• كمون
• كسبره ناشفه
• ملح وفلفل

وبعد ما نتبلها لو تقلت نخففها شويه بالمياه تاني لد ما توصل ل نفس القوام الاول واخر حاجه 2 ملعقه من الزيت

طريقه عمل شاورما اللحم المصري

• ف طاسه سخنه جدا ع النار فيها 2 ملاعق زيت وننزل اللحمه مره واحده لحد ما تنزل مياتها ونفضل نقلب ونسبها لحد ما تشرب مايتها تاني وتتشوح
• وننزل بالبصل وطماطم متقطعين شرائح رفعيه هنسبهم يطرو ع خفيف
• واخر حاجه نحط 3 ملاعق من البقدونس المقطع وبس وكده خلصنا

التقديم

نفتح سندوتش العيش الفينو ونفضي مساحه ف نفس الطاسه الشاورما (عشان تاخد من نفس الطعم ) 

مستنيه تعليقاتكم ع الوصفه واللي جربها يقول طلعت ازاي معاه 
واي استفسارت هرد عليه ف كل وصفه

                                  وبالهنا والشفا

حمل أيضا   : كل الوصفات وطرق تحضير الطعام موجوده علي التطبيق الخاص بنا 

 “فضلا منك وليس أمرا إذا أعجبك وصفة طريقه الشاورما المصريه يرجى منكم التكرم بوضع إعجاب وتعليق ومشاركة الوصفة لأصدقائك“

شاهد ايضا : طريقة عمل الثومية الاصلية زي المطاعم

شاهد ايضا :  طريقة عمل احلي شاورما اللحم السوري سريعة و زي المحلات

طريقة عمل شاورمة اللحمه Egyptian Beef Shawarma