طريقة عمل لقمة القاضي المقرمشة (الزلابية)

طريقة عمل لقمة القاضي المقرمشة الزلابية من الحلويات سريعة التحضير و سهلة جداا ومكوناتها متوفره في كل بيت والطعم تحفة احلي من الجاهز تعالو نشوف الطريقة

تقدم الوصفة والطريقة الشيف هانم

مكونات طريقة عمل لقمة القاضي بالخميرة الفورية

• 2 كوب دقيق ( منخول )
• كوب ماء دافئ
• ملعقة كبيرة سكر
• ملعقة كبيرة خميرة
• ذرة ملح
• معلقة صغيرة نشا ( لو عاوزنها مقرمشة لو مش عاوزينها مقرمشة يمكن الاستغناء عن النشا )

للتزيين

• سكر بوردة
• صوص شيكولاته
• شربات ( سيرب ) : عمل شربات الحلويات او السيرب ببسطه

حمل أيضا علي هاتفك :  كل الوصفات وطرق تحضير الطعام موجوده علي التطبيق الخاص بنا 

طريقة عمل لقمة القاضي المقرمشة

1. نجيب طبق غويط ونحط فيه ( الدقيق + الخميرة + السكر + الملح + النشا + المايه ) ونقلبهم كويس جدا حتي التجانس
2. هتتكون معانا عجينة طرية القوام لا خفيف ولا تقيل القوام متوسط
3. بعدين نغطي الطبق كويس ونسيبها علي جنب تخمر لمدة نص ساعة او ساعة
4. وبعدين نحط العجينة كلها في كيس نايلون ونقصه من تحت بالمقص واما نيجي نحطها في الزيت نحط المقص في زيت عشان العجينة متلزقش في المقص واحنا بنقصها او نحطها في قمع حلواني أو نجيب طبق فيه حبة زيت ونجيب معلقة بلاستيك صغيرة ونحطها في الزيت وبعدين نمسك العجينة بايدينا ونضغط عليها بايدينا هتطلع معانا كورة ناخدها بالمعلقة ونزلها في زيت ساخن وغزير وهكذا لحد ما العجينة تخلص وبعدين نهدي النار عشان تستوي من جوه كويس
5. وبعدين نقلب الزلابية عشان تاخد لون من كل الجوانب واما لونها يبدأ يصفر نطلعها علي طبق فيه مناديل مطبخ وبعد عشر دقايق ننزلها تاني في زيت ساخن وبعدين نهدي النار ( الحركة دي عشان الزلابية تطلع مقرمشة )
6. وبعدين نطلع الزلابية علي طبق فيه مناديل مطبخ عشان تصفي لو فيها زيت زيادة
7. وبعدين نحط الزلابية في طبق ونرش عليها سكر بوردة أو صوص شيكولاته أو صوص كراميل أو شربات
8. و ممكن نفتحها بالسكينة ونحشيها كريمة او نوتيلا أو شيكولاته

شاهد ايضا :  طريقة عمل زلابية (لقمة القاضي)

شاهدي ايضا : وصفة الشيف يا سمين  طريقه عمل الزلابيه سهله وسريعه 

 “فضلا منك وليس أمرا إذا أعجبك الوصفة يرجى منكم التكرم بوضع إعجاب وتعليق ومشاركة الوصفة لأصدقائك“

طريقة عمل لقمة القاضي المقرمشة للشيف حسن

طريقة عمل لقمة القاضي المقرمشة منال العالم

طريقة عمل لقمة القاضي المقرمشة فاطمة أبو حاتي

الزلابيا أَو الشباكية وهي تشبه إلى حد ما الشباكية المغربية، وهي نوع من أنواع الحلويات الشعبية مشهورة في عدة دول عربية خاصة في المغرب العربي المغرب وتونس والجزائر وخاصة ليبيا وكذلك في العراق، يكثر الإقبال عليها في شهر رمضان، توزع كصدقات وكثيراً ما تشاهد صواني الزلابيا في الجوامع والمساجد لتوزع كنذر أو صدقة.