اهم المقالات حلويات حلويات العيد

طريقة عمل كعك العيد

كعك العيد

العيد قرب بقي وطبعا أكتر حاجه بتحسسنا بجمال العيد هي حلويات العيد ومن أهم حلويات العيد طبعا الكحك

 

طريقة عمل كعك العيد المصري

طريقة عمل كعك العيد

وعندنا أحلي وأسهل طريقة والمقادير مظبوطه ان شاء الله وايضا العيد احلي مع طريقة عمل ترمس

مقادير عمل الكحك العيد

  • كيلو دقيق ( لازم نوع كويس طبعا هيفرق في الطعم والريحه واللون )
  • نص كيلو سمنه نباتي
  • معلقتين سمنه بلدي
  • كوب ماء دافيء
  • كيس بيكنج بودر ( ممكن نستغني عنه )
  • معلقتين سكر
  • معلقة كبيرة خميرة
  • معلقة كبيرة ريحة كحك
  • معلقتين كبار سمسم ( ممكن نحمصه لو بنحبه محمص وممكن نستخدمه من غير ما نحمصه )
  • رشة ملح

للتزيين كعك العيد الناعم

  • سكر بودرة ( ونضعه قبل التقديم مباشرة )

للحشو كعك العيد

  • نص كيلو ملبن : نسيحه في معلقة سمنه في طاسه علي النار وبعدين نكوره كور صغيره

طريقة التحضير كعك العيد زي المحلات

  • ننخل الدقيق طبعا
  • نجيب مج ونحط فيه ( الخميره + السكر + المايه ) ونقلبهم ونغطيهم ونسيبهم يخمروا
  • وبعدين نجيب طبق غويط ونحط فيه ( الدقيق + كيس بيكنج بودر + ريحة الكحك + السمسم +رشة ملح )
  • وبعدين نقلب المكونات كويس
  • وبعدين ننزل بالسمنه وتكون دافيه لا سخنه اوي ولا ساقعه
  • وبعدين نبس كويس جداا وكتييير  ( يعني ندعك الدقيق بالسمنه كويس اوي بايدينا ودي خطوه مهمه لنجاح الكحك )
  • وبعدين ننزل بالخميره اللي سيبناها تخمر نلم بيها العجينه بعد ما بسينا كويس
  • بس كده نغطي العجينه ونسيبها ترتاح عشر دقايق
  • وبعدين نشكل العجينه زي ما نحب ( بس يبقي حجمها معقول لانها بتنفش شويه )
  • وممكن طبعا نحشي العجينه واحنا بنشكله ملبن لو حابين
  • وبعدين ندخل علي فرن هادي عشان يستوي كويس علي 170 درجة أو أقل شوية لمدة ربع أو ثلث ساعه حسب حجم الكحك
  • لحد اما يحمر من تحت وياخد لون دهبي من فوق
شوفي ايضا :  طريقة موكا بارد لذيذ

وكده بقي عندنا أحلي كحك ناعم وفي نفس الوقت ماسك نفسه

وبألف هنا وشفا علي قلوبكم

ارجو ترك تعليق بملاحظاتكم

كل الوصفات وطرق تحضير الطعام موجوده علي التطبيق الخاص بنا 

 

 

كعك العيد، أو الكحكفي مصر، هو الكعك الذي يصنعه المصريون في عيد الفطر. تعود هذه العادة إلى العهد المصري القديم حيث كان يُعَد الكعك على أشكال دائرية وتُقَدَّم في الأعياد أو عند زيارة الموتى والقبور.

3 Comments

Post Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.