اكلات رمضان اكلات سريعة اهم المقالات طبخ

طريقة عمل كشرى مصري

يعد كشرى مصري من اشهر الاكلات المصرية المحببه للكثيرين من الفئات الناس و العرب 

طريقة عمل كشرى مصري

كشرى مصري

كشرى المصرى اللذيذ و الرائع  النهارده بقدمه لكم بطريقة سهلة وبسيطه و رائعه و يعتبر من اكلات السريعه 

المقادير

  •  3 معلقه صغيره ملح
  • 2 كوب عدس (غامق)
  • 2 معلقه كبيره زيت عباد شمس
  • عدد بصله
  • كوب شعريه
  • كيلو مكرونة  نوعها  : مقصوصه + سباجتى
  • 1 كوب ارز

مقادير صلصة الطماطم

  • 7 حبات طماطم
  •  معلقه كبيره صلصة طماطم
  • 3 فص ثوم  مفروم
  •  معلقه كبيره زبده
  •  معلقه صغيره ملح
  •  معلقه صغيره فلفل اسود مطحون
  •  بصله
  •  مكعب مرقة دجاج

مقادير عمل المكرونة

  • 300 جرام مكرونه  بمقدار  نصف كيس مكرونة جاهز
  • 2 لتر ماء
  • 2 معلقه صغيره ملح

مقادير دقه  الثوم المصرىه

  • فص ثوم مفروم
  • 3 معلقه صغيرهكمون
  • ليمونه
  •  معلقه صغيره شطه  ناعمه
  •  معلقه صغيرة ملح
  • نص كوب خل
  • ربع كوب ماء

مقادير عمل حمص مسلوق

  • كوب ماء
  • كوب حمص

طريقه عمل كشري المصري الاصلي

  • هننقع الرز فى ماء لمدة ساعه وبعد كده  نغسله ونصفيه
  • ثم نغسل العدس وننقعة فى المياه لمده ربع ساعه.
  • وبعد كده هنقطع البصل شرائح صغيره ونحطه فى طاسه على النار مع شوية زيت ونقلبه لحد ما يتحول للون الذهب و بعد كده نرفعه من على النار ونصفيه كويس  اووووي ونحتفظ بالزيت.
  • ثم فى حله على النار هنضيف باقى زيت العدس والبصل  و معلقتين صغيره ملح و عدد 4 اكواب ماء ونسيبه يغلى.
  • وبعد كده هنسيب العدس يستوى لمدة حوالى 11 دقيقة لحد ما يبقى طرى ونصفيه ونسيبه على جنب ونحتفظ بماء السلق.
  • فى حله على النار هنضيف شوية زيت ونضيف عليهم الشعرية ونقلبها كويس لحد ما تتحول للون الذهبى الجميل .
  • هنضيف على الشعريه 2 كوب من ماء سلق العدس ومعلقه ملح صغيره ونسيبه يغلى.
  • وبعدين هنضيف الارز للشعريه بعد أول ما  المياه تغلى ونقلبه كويس ونغطيه ونسيبه على نار هاديه لحد ما يشرب المياه
  • اول شي هنقطع الطماطم مكعبات ونضربها فى الخلاط كويس مع صلصه الطماطم و معهم نصف كوب ماء و تترك جانبا.
  • وبعدين نفرم البصل بالوجه الناعم من المبشره   او في الكابه بتاعت الخلاط.
  • وبعد كده فى حله هنسيح الزبده ونضيف البصل والثوم و نقلبهم كويس لحد ما يبقى لونها ذهبى.
  • وبعدين نضيف عصير الطماطم ونقلب كويس .
  • وبعد كده نضيف الملح و الفلفل ومرقه دجاج و نقلب كويس لحد ما الخليط يتماسك.
  • وبعد كده نضيف الصلصة  للكشري  على حسب الحاجة .

طريقة عمل المكرونة

  • اول حاجه هنغلي المياه في حله كبيره
  • وبعدين نضيف الملح
  • وبعد كده هنضيف المكرونة و نقلبها باستمرار علشان متعجنش و تفضل سليمة
  • نسيبها من 9 لـ 13 دقيقه تغلي مع الماء و بعد ما تستوي صفيها من المياه
  • هنخلط الرز والعدس والمكرونه فى حلة كبيره

طريقة عمل دقة الثوم للكشري

  • اول شي نخلط الثوم و الكمون والشطه و الملح كويس.
  • فى حله صغيره هنضيف الخليط ونضيف الخل والمياه و نعصر الليمون ونقلبهم على النار كويس اوووي.
  • اخر حاجه هنسيب الخليط يغلى وبعدين نرفعه من على النار ونسيبة يبرد ويبقى جاهز للاستخدام.

طريقة عمل الحمص

  • اول حاجههننقع الحمص فى المياه لمدة ساعه.
  • بعد كده هنصفى الحمص و نغسله كويس.
  • هنغلى ماء على النار فى حله كبيره و بعد ما تغلى هنضيف الحمص و نسيبه يغلى مع المياه لمده 11 دقيقة.
  • و بعد 11 دقيقة هنرفعه من على النار و يفضل في الماء طول الليل لليوم التالى.
  • هنقدم الحمص مع الشطة والليمون او نستعمله فى وجبات تانيه على حسب الحاجه.

هنقدم الكشرى مع الصلصة والدقة والحمص

 

وبالف هنا والشفا.

 

شوفي ايضا :  شاهد احسن طريقة عمل سلطة الطحينة

 

كل الوصفات وطرق تحضير الطعام موجوده علي التطبيق الخاص بنا 

 

 

كشرى مصري الكشري من أشهر الأكلات الشعبية المصرية وتتكون من المعكرونة والأرز والعدس الأسود والبصل المقلي وصلصة الطماطم أي البندورة الحارة والتقلية،[1] ويعتبر الكشري أكلة منخفضة الكلفة عالية السعرات الحرارية وذات زيوت نباتية متأكسدة بسبب القلي الذي يثير حول الوجبة كمًا من الانتقادات الصحية ونحوها

Post Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.