اهم المقالات حلويات حلويات العيد

طريقة عمل بيتي فور

بيتي فور

أسهل وأحلي بيتيفور عندنا وبس ان شاء الله يعجبكم مضمون وأحلي من الجاهز بقاا بأشكاله المختلفه والجميلة

طريقة عمل بيتي فور

طريقة عمل بيتي فور

هنقدم لكم وصفه من وصفات العيد المهمه و الجميلة مع كعك العيد و هي طريقه عمل البيتي فور الناعم بالخطوات سهلة  و إعمليه لأولادك و اصدقائك  بدل ما تشتريه غالى  من المحلات

مقادير بيتي فور

  • كيلو دقيق
  • نص كيس بيكنج بودر
  • كوب ونص سمنه ( جامدة مش سايحه )
  • نص كوب زبده ( جامده مش سايحه )
  • كوب سكر بودرة
  • 3 بيضات
  • 2 كيس فانيليا
  • معلقتين كاكاو

للتزيين 

  • مربي مشمش    حسب الرغبة
  • مربي فراولة   حسب الرغبة
  • جوز هند   حسب الرغبة
  • شيكولاته سايحه   حسب الرغبة

طريقة عمل البيتيفور

  1. نجيب بولة او طبق غويط ونحط فيها ( كوب ونص سمنه + نص كوب زبده + كوب سكر بودرة )
  2. ونضرب بمضرب الكهربا كويس جدا لحد القوام الكريمي
  3. وبعدين نضيف 3 بيضات بيضة بيضة مع الضرب مع اضافه الفانيليا ونضرب كويس جدا
  4. وبعدين ننزل ( بالدقيق + البيكنج بودر ) واحده واحده ونلم العجينه كويس
  5. وبعدين نقسم العجينه نصفين ونضيف علي نصف واحد معلقتين كاكاو ( الخطوة دي حسب الرغبة زي ما تحبوا )
  6. هتبقي ان شاء الله معانا احلي عجينه طرية وناعمه
  7. وبعدين نشكلها زي ما نحب
  8. وعلي فرن درجه حراره 180 لحد اما يحمر من تحت
  9. وبعد اما نطلعه ويبرد نلزقه في بعض بمربي برتقال او مربي فراوله
  10. وبعد ما نلزقه ننزل جزء من كل واحده في شيكولاته سايحه وبعدين علي جوز هند
  11. وبعدين ندخله الثلاجه عشان يجمد شوية ونقدر نخزنه في علب بلاستيك محكمه الغلق
وبألف هنا وشفا علي قلوبكم

أرجو ترك تعليق بملاحظاتكم

كل عام وانت بألف خير

 

 

البيتي فور هو طبق حلويات فرنسي الأصل، فتسميته فرنسية وتعني “الفرن الصغير”. يؤكل البيتي فور عادةً بعد الوجبات أو بينها كتحلية مع الشاي أو القهوة. هناك أنواع عديدة منه، حتى أن هناك بيتي فور مالح يقدّم عادةً في المناسبات. 

One Comment

Post Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.