طريقة عمل القلقاس بالسلق فتكات

القلقاس من الطبخات المصرية اللي معروفه من زمان وسهل جدا ومفيدا طبعا وحلو جدا في الشتا وبيدفي 😀

القلقاس بالسلق اﻷخضر، من اﻷكلات المصرية الشهية للغاية

حمل أيضا  :    كل الوصفات وطرق تحضير الطعام موجوده علي التطبيق الخاص بنا 

المكونات

• قلقاس ( الكمية حسب الرغبة )
• سلق
• كزبرة خضراء
• ثوم مفروم
• شوربة ( يفضل شوربة لحمة )
• فلفل اسود
• ملح
• بهارات اللحمه
• كزبرة ناشفة
• زعتر

طريقة عمل القلقاس بالسلق فتكات

1. نكون مجهزين القلقاس نغسله كويس ونقشره ونقطعه مكعبات
2. نجيب حلة علي نار متوسطة ونحط فيها ( الشوربة + الفلفل الاسود + الملح+ كزبرة ناشفة + زعتر + بهارات اللحمه )
3. وبعد اما الشوربة تغلي ننزل بالقلقاس علي الشوربة واما يقرب يستوي نعصر عليه نص ليمونه وياريت لو القلقاس ميستويش زيادة
4. وبعدين نجيب السلق ونقطع الورق بتاعه من العيدان وبعدين نحطه في الخلاط ونحط معاه الكزبرة الخضراء ونضرب كويس جدا
5. وبعدين نصفيه كويس وناخد السائل اللي نزل ونضيفه علي القلقاس يغلي حبه صغيرين مع القلقاس وبعدين نطفي النار
6. وبعدين نجيب طاسة و نحط فيها معلقتين سمنه بلدي ( أو علي حسب الرغبة ) وبعدين ننزل بثوم مفروم واما لونه يصفر ننزل بالسلق اللي اتبقي في المصفي ونحمره مع الثوم وبعدين نطشه علي القلقاس
7. وكده القلقاس يكون جاهز ويقدم مع أرز بشعرية أو أرز أبيض وسلطة مكونة من طماطم وخيار وبقدونس وشبت و جرجير ولحمة متحمرة في سمنة بلدي

 “فضلا منك وليس أمرا إذا أعجبك طريقة عمل القلقاس يرجى منكم التكرم بوضع إعجاب وتعليق ومشاركة الوصفة لأصدقائك“

شاهدي ايضا : احسن طريقة عمل احلي طبق كفتة بطاطس و الطماطم بسهولة

شاهدي ايضا : طريقة عمل القلقاس بالخضرة للست غالية

طريقتى فى عمل القلقاس بالخضرة// بكل سهولة // التقطيع ـ التسوية ـالتقديم🍀

القُلْقاس هو اسم شائع لمجموعة من القرمات والدرنات التي تنتمي للفصيلة القلقاسية. يعتبر القلقاس من النوع هو الأكثر زراعةً على نطاق واسع. تعتبر جنوب شرق آسيا موطن القلقاس الأساسي. فالقلقاس نبات استوائي معمر وهو من الخضار الجذرية لأن له جذور غنية بالنشويات الصالحة للأكل، وهو من الخضار الجذرية أيضاً لأن له أوراق خضراء.