اكلات رمضان اهم المقالات طبخ

طريقة الفتة بالخل والثوم المصرية الاصيلة

الفتة بالخل والثوم يقدم لكم الطريقة الشيف المصري

الفتة بالخل والثوم هنتكلم عن عمل الفتة المصرية بالخل و الثوم  بكل اسرارها والتكتات بتاعتها وايه الا بيميز فتة عن فتة

نقدم لكي طريقة عمل الفتة المصرية جربيها معنا واستمتعي بالطعم الرائع

طريقة الفتة

طريقة الفتة بالخل والثوم المصرية الاصيلة

هنشرح لكم طريقة عمل الفتة ويارب الطريقة تكون سهلة وبسيطة عليك وتعتبر من الاكلات الشعبيه زي طريقة عمل الفشة و طريقة عمل الرقاق باللحمه

المقادير

  1. كوب ونص ارز 
  2. عيش بلدي ناشف و مقطع صغير 
  3. صلصة طماطم
  4. شوربة لحمه اي كان نوع اللحمه علي حسب الرغبة
  5.  عصير طماطم 
  6. 4 مقلعة كبيرة ثوم مفروم
  7. شوية زيت و سمنه
  8. نص كوب خل
  9. 1 كليو لحمه نوعها علي حسب الرغبة ضاني او بقري
  10. بصلة كبيره
  11. حبهان
  12. مستكه
  13. ورق لورا
  14. ملح وفلفل اسود

 

طريقة عمل الفتة بالخل والثوم

  • هنسلق اللحمه بعد ما كان اقطعنها الي قطع متوسطة الحجم في مياه مغليه
  • ونروح نحط عليها ورق لورا و الحبهان و المستكه و البصلة و الملح والفلفل الاسود
  • وبعدين نروح نعمل الرز بالطريقة المعروفة والعادية لحد ما يستوي كويس 
  • وبعدين نجيب العيش المحمص و الناشف في الصينية كبيره

نروح نعمل صلصة الفتة بالخل والثوم

  • نبدا اننا نحط السمنه والزيت  وبعدين نجيب الثوم المفروم
  • ونحمره فيه لحد مايبقي لونه اصفر ذهبي 
  • وبعدين نحط عصير الطماطم
  • و نسيبها لحد ما تتقل ونحط الصلصة والخل و الفلفل الاسود وكسبره ناشفة و كمون و زعتر
  • وبعدين نحط  شوربة مقدار كوب ونص 
  • ونسبيها تغلي مع الصلصة وتاخد غلوة كده وبعدين نطفي ونحطها علي جانب

نرجع للفتة بعد ما عملنا الصلصة بالخل و الثوم

  • نرص العيش في اسفل الصينية و نقلبه وشويه صلصة و بعدين شويه شوربة ونحط كل ده علي النار لحد ما العيش يشربهم  ونطفي النار عليه
  • وبعدين نحط الارز ونفرده فوق العيش كويس وبعدين نحط الباقس من الصلصة علي وش الصينية 
  • ونضع قطع اللحمة حسب الرغبة علي وش الصينية وتقدم الفتة 
  •  بالهنا والشفا علي قلبك 

 

يارب تكون الطريقة عجبتكم 

لا سؤال او تعليق اتفضل في التعليقات

ياريت ارائكم في الاكلة 

الفتة هي طعام شعبي في بلاد الشام ومصر والسودان والعراق،يتم تناوله خاصة في وجبة الإفطار في رمضان.