شاورما اللحم السوري تقدم لكم الوصفة الشيف سارة

كلنا اكيد بنحب الشاورما وبنحب نشتريها بس طبعا الاسعار بتزيد كل شويه ده غير أنها بيتي يعني اكيد مضمونه وطعمها تحفه زي الجاهز وأحلي

طريقة عمل شاورما اللحم السوري

الشاورما هى صنف سورى الأصل، وانتشرت مؤخرا فى مصر و الوطن العربي من صنع الايادى السورية التى تتفف في  تلك الأكله ذات الطعم اللذيذ

شاورما اللحم السوري مع الثومية السورية وسر طراوة اللحم لا يفوتكم روعة

مقادير شاورما لحمه

• عيش سوري ( ممكن نشترية من اي سوبر ماركت )
• او عيش التورتيلا ( الطريقة عندنا وسهل جدا ) شاهد اسهل طريقة عمل عيش التورتيلا
• لحم ( الكمية زي ما نحب )
• بصل متقطع شرايح
• ملعقة سمن أو زيت
• خل
• ملح فلفل اسود
• حبة شطه
• بصل بودرة
• توم بودرة
• رشة نعناع ناشف
• كزبرة ناشفه
• حبة قرفة
• توابل شاورما ( من عند العطار )
• طماطم متقطعه مكعبات
• بقدونس متقطع

طريقة تحضير  شاورمة اللحمة زى المحلات

1. نقطع اللحم شرايح ونضيف عليه ( البصل + الفلفل + الملح + بصل بودرة + ثوم بورده + شطة + نعناع + كزبرة ناشفه + قرفة + توابل شاورما + خل ) ونقلب كل المكونات كويس مع اللحم
2. ونسيبها في التتبيلة من بليل في الثلاجة لحد الصبح
3. بعدين نجيب طاسة ونحط فيها اللحم بالتتبيلة ياخد صدمة هنلاقي لونه يغير ويبتدي يستوي
4. وبعدين نضيف ملعقة سمن أو زيت ونقلب ونزود شوية ماية ونسيبها تستوي
5. وقرب ما اللحم يستوي نضيف عليه   قطع الطماطم + قطع البقدونس + معلقة سلطة طحينة ( الطريقة متوفرة ) شاهد احسن طريقة عمل سلطة الطحينة  
6. وبعدين نحط طاسة علي النار مدهونه زيت زيتون بسيط وبعدين نجيب عيش التورتيلا أو العيش السوري
7. ونحط فيه اللحم ونلفة رول ونحطه في الطاسه ونقلبه علي الجانبين لحد اما ياخد لون
8. وبعدين نطلعه علي طبق فيه ورق مطبخ أو مناديل مطبخ ونغطيه طبعا عشان مينشفش
9. وهكذا لحد ما نخلص الكمية اللي عندنا
10. وكده عندنا أحلي شاورما والريحة والطعم تحفه
11. وتقدم مع تبولة  (طريقة عمل تبولة) أو سلطة طحينة (شاهد احسن طريقة عمل سلطة الطحينة)   أو ثومية  أو بطاطس مقلية طريقة عمل البطاطس الفرنسيه المقرمشه الفرسكس

وبألف هنا وشفا علي قلوبكم 

أرجو ترك تعليق بملاحظاتكم

كل الوصفات وطرق تحضير الطعام موجوده علي التطبيق الخاص بنا 

طريقة عمل الشاورما باللحم السورى بالفيديو

طريقة عمل الشاورما اللحم السورى سالي فؤاد

الشاورما نوع من أنواع المأكولات الشرقية التي تعود جذورها إلى بلاد الشام، وهي عبارة عن لحم مشوي بطريقة خاصة حيث يشوى اللحم بواسطة الحرارة والأشعاع الناتج من مصدر الحرارة والذي يمكن أن يكون مصدر كهربائي أو غازي أو من الفحم