اهم المقالات حلويات حلويات رمضان

طريقة عمل بلح الشام المقرمش

بلح الشام بقااا من أساسيات رمضان اللي لازم نحلي بيه بعد الفطار وطعمه تحفه زي الجاهز بالظبط ومش مكلف 

بلح الشام من أشهر الحلويات سريعة التحضير تعرفي على طريقة التحضير لعمل بلح الشامالمقرمشة الذهبية على الطريقة المصرية.

طريقة عمل بلح الشام المقرمش

يمكن صنع بلح الشام بأكثر من شكل، ولكن الشكل الرائج هو الأصبح المزين بخطوط طولية، ويمكن صنع بلح الشام بدون بيض وسيبدو مذاقه شهياً للغاية.تخيلى انك تقضمين قطعه مقرمشه من الخارج، لكنها طريه ومملوءة بالعصائر اللذيذه من الداخل وتذوب فى فمك بمجرد ملامسته. نعم إنه بلح الشام الذ الحلويات الشرقية 

ومن حلويات رمضان طريقة عمل كنافه بالمانجا و طريقة عمل مهلبية مشمش و طريقة عمل بلح الشام وطريقة عمل قطايف رمضان و طريقة عمل زلابية (لقمة القاضي)

مقادير بلح الشام الاصلي

  • كوب دقيق
  • كوب ماء
  • ربع كوب زيت
  • 2 بيضة حجم كبير
  • مععلقة كبيرة دقيق سميد ( دقيق البسبوسه )
  • معلقة كبيرة نشا
  • معلقة كبيرة سكر
  • رشة فانيليا
  • رشة ملح

للتزيين

  • ممكن نحشيه كريمه أو كريم شانتيه أو كريم باستري أو نحط علي الوش صوص شيكولاته

طريقة التحضير بلح الشام في البيت

  • نجيب حله علي النار ونحط فيها ( كوب ماء + معلقة كبيرة سكر + ربع كوب زيت + رشة ملح )
  • ونسيبهم لحد اما يغلوا مع بعض
  • وبعدين نجيب طبق نحط فيه ( كوب دقيق + معلقة كبيرة نشا ) ونخلطهم مع بعض كويس
  • وبعدين نضيف الدقيق والنشا علي الحله اللي فيها الماء والزيت والسكر والملح اول ما يغلوا
  • ونقلب كله كويس مع بعض علي نار هاديه لغاية اما يلم معانا
  • وبعدين نضيف معلقة دقيق السميد ونقلب كويس جدا حتي التجانس
  • وبعدين نسيب العجينه تهدي وتبرد شويه
  • وبعدين نجيب طبق ونخفق فيه 2 بيضة وعليهم رشة الفانيليا
  • وبعدين ننزل البيض علي العجينه بعد ما سيبناها تبرد ونقلب كويس
  • بعدين نحط العجينه في كيس حلواني أو نجيب كيس ثلاجه ونحط فيه العجينه ونقص طرفه بسيط
  • ونكون مجهزين زيت غزير بس مش سخن لازم يكون بارد عشان بلح الشام يستوي من جوه
  • وبعدين ننزل بالعجينه علي شكل صوابع أو كور ( زي ما نحب )
  • ونقلب لحد أما توصل للون دهبي
  • وبعدين نطلعها علي شربات ( سيرب ) بارد عشان يبقي مقرمش وبعدين نحطها في مصفاه عشان تصفي الشربات الزياده
  • واما نيجي نحط باقي الكمية نستني اما الزيت يبرد وبعدين نحطها
  • الشربات البارد
  • نجيب حله علي النار ونحط فيها 2 كوب سكر وكوب ماء ونص ليمونه
  • ونسيبهم لحد اما يغلوا من غير تقليب طبعا عشان ميسكرش
  • واول ما يغلوا نسيبهم 10 دقايق وبعدين نطفي النار عشان يتقل
شوفي ايضا :  طريقة عمل الجمبرى بقشرة

وبألف هنا وشفا علي قلوبكم

أرجو ترك تعليق بملاحظاتكم

رمضان مبارك

 

 

بلح شام هو حلوى سورية المنشأ ويرجع سبب تسميتها إلى سبب ابتكارها، وقام صانعوا الحلوى بإنتاج صنف يشبه البلح في تشكيله، ومن هنا أطلق عليه بلح الشام، حيث تشكل العجينة وتسقى بالقطر، وينتشر تناولها في مصر وبلاد الشام والعراق وتركيا