بطاطس مهروسة بالثوم تقدم لكم الوصفة الشيف سارة 

محدش فينا مش بيحب البطاطس وعندنا طريقة سهله جدا للبطاطس وحلوة جدا في وجبة العشاء

طريقة عمل بطاطس مهروسة بالثوم

البطاطس المهروسه  واحدة من احلي الاطباق الجانبيه عند تناول اي وجبه سواء الافطار او الغذاء او العشاء  شاهدي ايضا طريقة عمل كرات البطاطس و طريقة عمل بطاطس بانيه بالجبنة

مقادير البطاطس المهروسة بالثوم والطماطم

• بطاطس ( العدد زي ما نحب )
• حتة ثوم مفروم
• حبة زيت
• فلفل ألوان متقطع قطع
• معلقتين خل
• ملح
• كمون
• كركم

طريقة عمل البطاطس المهروسة المصرية

1. نجيب حلة علي أد البطاطس اللي عندنا ونحط فيها ماية يدوبك تغطي البطاطس
2. ونسيب الحلة علي نار عالية لحد ما البطاطس تتسلق
3. وبعدين نختبر البطاطس بشوكة لو الشوكة دخلت ف البطاطس بسهولة يبقي استوت لو دخلت بصعوبة يبقي نسيب البطاطس شوية كمان
4. وبعدين نطلع البطاطس من الماية في طبق ونشيل القشرة براحة هتطلع بسهولة معانا
5. وبعدين نهرسها كويس بشوكه
6. وبعدين نحط طاسة علي نار متوسطة ونحط حبة زيت وبعدين الثوم المفروم
7. وبعدين الفلفل الالوان ونقلبهم ونشوحهم مع بعض كويس
8. وبعدين نضيف معلقتين الخل ونقلب
9. وبعدين نضيف البطاطس المهروسه والملح والكمون والكركم ونقلب كل المكونات كويس جدا
10. وتقدم علي العشاء مع خبز بلدي أو خبز فينو

كل الوصفات وطرق تحضير الطعام موجوده علي التطبيق الخاص بنا 

وبألف هنا وشفا علي قلوبكم
أرجو ترك تعليق بملاحظاتكم

طريقة عمل البطاطس بالثوم و الكمون

بطاطس مهروسه بالثوم

شاهدي ايضا طريقة عمل كرات البطاطس و طريقة عمل بطاطس بانيه بالجبنة و  طريقة عمل البطاطس الفرنسيه المقرمشه الفرسكس

البَطَاطا أو البَطَاطِس هي نبات من الفصيلة الباذنجانية وهي من أكثر محاصيل الخضراوات انتشارًا في العالم، كما أنها واحدة من أشهر الأطعمة، ولها قيمةٌ غذائية وأضرار صحية كذلك