بسكويت اليانسون والشمر تقدم الوصفة الشيف سارة
كلنا طبعا بنحب البسكوت والاطفال كمان بيحبوه عندنا أحلي طريقة مختلفة للبسكوت وهوه بطعم الينسون والشمر وسهل وبسيط جدا
طريقة بسكويت بالينسون والشمر
معظمنا بيحب بسكويت اليانسون المقرمش و الهش كفطار مع الشاى الصبح وطريقته سهله جدا واحلى فى البيت واولادك و طريقة عمل بسكويت الزبدة و الفانيليا الناعم و الفاخر و طريقة عمل بسكويت العيد بالنشادر
مكونات بسكويت اليانسون
- 2 كوب دقيق ( منخول )
- 3/4 كوب سكر بودرة
- نص كوب زيت
- 2 بيضة
- 2 ملعقه صغيره بيكنج بودر
- ملعقة صغيرة فانيليا
- رشة ملح
- 2 ملعقة كبيرة ينسون متحمص
- 2 ملعقه كبيره شمر
- ربع كوب ماء
طريقة التحضير بسكويت اليانسون والشمر
- نجيب طبق غويط ونحط فيه ( الدقيق + البيكنج بودر + الملح )
- ونقلبهم كويس جدا مع بعض
- وبعدين نجيب طبق غويط تاني ونحط فيه ( البيض + الفانيليا ) ونضربهم كويس بمضرب الكهرباء
- وبعدين نضيف علي البيض السكر ونضرب تاني كويس
- وبعدين نضيف عليهم الزيت ونضرب تاني كويس جدا
- وبعدين نحط خليط الدقيق علي خليط البيض ونعجن كويس جداا
- وبعدين نضيف عليهم ( الينسون + الشمر + الماء ) ونعجن كويس جدا حتي التجانس
- وممكن نزود دقيق أثناء العجن لو احتجنا لحد اما القوام يكون متماسك
- وبعدين نسيب العجينه ترتاح في الثلاجة لمدة ربع ساعة لتتماسك اكثر
- وبعدين نطلعها ونفردها بالنشابة ونشكلها زي ما نحب ونرصها في صينيه
- وبعدين ندخلها الفرن على درجه حراره متوسطه 180 أو علي حسب سخونه الفرن لحد اما تتحمر من فوق وتحت
وبألف هنا وشفا علي قلوبكم أرجو ترك تعليق بملاحظاتكم
كل الوصفات وطرق تحضير الطعام موجوده علي التطبيق الخاص بنا
