بان كيك بطاطس تقدم الوصفة الشيف سارة

طريقة جديدة وسهلة وسريعه جداا للبطاطس المسلوقة وحلوة جدا في وجبة الإفطار والعشاء كلنا بنحبها كبار وصغيرين

اسهل طريقة لعمل بان كيك بطاطس في المنزل

هذا الطبق الرائع والسهل  من شرق أوروبا حيث يسمى ايضا اللاتكي. بانكيك البطاطس سهله التحضير  و يمكن تقديمها كفطار مشبع او طبق جانبي رائع. و شاهدي ايضا اسهل طريقة لعمل بطاطس مهروسة بالثوم و طريقة عمل بطاطس بانيه بالجبنة

المكونات بان كيك البطاطس

• نص كيلو بطاطس
• 2 بيضة
• كوب لبن
• ربع كوب دقيق
• بقدونس مفروم ( أو أي خضرة نحبها )
• بصل بودر
• ثوم بودر
• بابريكا
• فلفل أسود
• ملح
• فلفل ألوان قطع
• زيت

طريقة تحضير بان كيك بطاطس بالبيض

1. نجيب حلة علي أد البطاطس اللي عندنا ونحط فيها ماية يدوبك تغطي البطاطس
2. ونسيب الحلة علي نار عالية لحد ما البطاطس تتسلق
3. وبعدين نختبر البطاطس بشوكة لو الشوكة دخلت ف البطاطس بسهولة يبقي استوت لو دخلت بصعوبة يبقي نسيب البطاطس شوية كمان
4. وبعدين نطلع البطاطس من الماية في طبق غويط ونشيل القشرة براحة هتطلع بسهولة معانا
5. وبعدين نهرسها كويس بشوكه
6. وبعدين نضيف ( البيض + اللبن + الفلفل الالوان + الدقيق + البقدونس المفروم + بصل بودر + ثوم بودر + بابريكا + فلفل أسود + ملح )
7. وبعدين نقلب كل المكونات كويس جدا مع البطاطس المهروسه حتي التجانس
8. ممكن نزود لبن بسيط لو العجينه ثقيله أو ممكن نزود دقيق بسيط لو العجينه سائله أوي
9. أهم حاجه العجينه يكون قوامها مظبوط ( زي قوام الكريب مثلا )
10. وبعدين نجيب طاسه علي نار متوسطة ونحط فيها حبة زيت
11. وبعدين نجيب مغرفه ( كبشه ) واما الزيت يسخن ناخد بالمغرفة من الخليط وننزل بيه علي الزيت ونشكله علي شكل دايرة بالمغرفة
12. وبعدين أما الخليط يمسك نفسه نقلبه علي الجنب التاني عشان يستوي
13. وهكذا لحد ما الكمية تخلص
14. وممكن نحط الخليط كله في صينية ونسويه في الفرن لو حابين ( زي العجة )

وبألف هنا وشفا علي قلوبكم 
أرجو ترك تعليق بملاحظاتكم

كل الوصفات وطرق تحضير الطعام موجوده علي التطبيق الخاص بنا 

شاهد طريقة بان كيك بطاطس | نجلاء الشرشابي بان كيك البطاطس على قد الايد

طريقة عمل بان كيك البطاطس بالجبن | سهله و سريعة و طعمها لذيذ و تنفع فطار او غداء أو عشاء سريع

تاكل  ايضا اسهل طريقة لعمل بطاطس مهروسة بالثوم و طريقة عمل بطاطس بانيه بالجبنة

البَطَاطا أو البَطَاطِس هي نبات من الفصيلة الباذنجانية وهي من أكثر محاصيل الخضراوات انتشارًا في العالم، كما أنها واحدة من أشهر الأطعمة، ولها قيمةٌ غذائية وأضرار صحية كذلك.