طريقة عمل العدس الاصفر بكل الطرق
طريقة عمل العدس الاصفر . العدس يعني الدفا في الشتاء يعني أسهل طبخة وبمكونات بسيطة جداا ومتوفرة في كل بيت جربوها ومش هتندموا
مكونات طريقة عمل العدس المصرى
- عدس أصفر ( الكمية حسب الرغبة )
- ثوم مفروم
- 2 بصلة وسط متقطعه شرايح
- 2 طماطم وسط متقطعه قطع
- 2 بطاطس وسط متقشرة ومتقطعه قطع ( اختياري )
- 2 جزر وسط او صغير متقشر ومتقطع قطع ( اختياري)
- فلفل اسود
- ملح
- كزبرة ناشفة
- سمنة بلدي
- شعرية ( الكمية حسب الرغبة )
- عيش بلدي متحمص في الفرن
طريقة عمل شوربة العدس الاصفر
- نجيب حلة ونحط فيها معلقة كبيرة سمنه بلدي وحبة زيت صغيرين
- وبعدين نحط ثوم مفروم وعليه رشة كزبرة ناشفة ونقلب الثوم و اول ما يبقي لون الثوم دهبي كده نحط شرايح البصل ونقلبهم دقيقة
- وبعدين نحط العدس و الطماطم والبطاطس والجزر ونقلبهم مع بعض دقيقة
- وبعدين نحط عليهم مايه يدوب تغطيهم ونغطي الحلة وبعد عشر دقايق او اقل نشوف لو المايه نقصت نهدي النار خالص ونغطي الحلة لحد اما تستوي نعرف انه استوي اما نختبر البطاطس او الجزر يكون سهل في القطع
- وبعدين نجيب الخلاط ونحط فيه كل المكونات ونضربهم كويس جدا ف الخلاط وبعدين نرجعهم في الحلة تاني علي نار متوسطه ونكون مجهزين كوب شعرية أو اقل ( حسب الرغبة )
طريقة الشعرية :
- نجيب طاسة غويطة او حلة صغيرة علي نار متوسطه ونحط فيها حبة زيت صغيرين
- وبعدين نحط كوب شعرية او اقل ونفضل نقلب الشعرية لحد اما تاخد لون اغمق من الدهبي شوية
- وبعدين نحط مايه يدوب تغطي الشعرية وبعد شوية اما تشرب المايه شوية نهدي النار خالص ونسيبها تستوي وبعد ما تستوي
- نحطها علي العدس اللي ضربناه في الخلاط وحطناه علي النار تاني نسيب العدس عشر دقائق بس علي نار متوسطه
- وبعدين نطفي النار ونحط معلقة صغيرة سمنة بلدي علي الوش ( اختياري)
ويقدم ساخن بجانب الخبز المحمص وبألف هنا وشفا علي قلوبكم
أرجو ترك تعليق بملاحظاتكم
حمل أيضا علي هاتفك : كل الوصفات وطرق تحضير الطعام موجوده علي التطبيق الخاص بنا
“فضلا منك وليس أمرا إذا أعجبك الوصفة يرجى منكم التكرم بوضع إعجاب وتعليق ومشاركة الوصفة لأصدقائك“
طريقة عمل العدس الاصفر للشيف حسن
طريقة عمل العدس الاصفر للست غالية
طريقة عمل العدس الاصفر بالشعرية للشيف الشربينى
طريقة عمل العدس الاصفر بالشعرية خطوة بخطوة من مطبخ نجوان
