اكلات رمضان اهم المقالات طبخ

طريقة عمل الحواوشي

الحواوشي تقدم لكم الوصفة الشيف ساره

أحلي حواوشي بيتي

طريقة عمل الحواوشي

طريقة عمل الحواوشي

مكونات  الحواوشي البلدي

  • عيش بلدي ( العدد حسب الطلب )
  • نص كيلو لحمة مفرومه
  • 2 بصلة متوسطه الحجم
  • 2 طماطم قطع
  • 2 فلفل قطع
  • زعتر
  • فلفل اسود
  • ملح
  • كسبره
  • بهارات لحمه
  • بهارات حوواشي
  • زيت
  • ورق فويل متقطع قطع علي اد كل رغيف او نص رغيف ( حسب الرغبه )

طريقة التحضير  الحواوشي

  • نسخن الفرن
  • نجيب طبق ونضع فيه (نص كيلو لحمة مفرومه + 2 بصلة متوسطه الحجم مفرومه + البهارات (فلفل اسود + ملح + زعتر + كسبره + بهارات لحمه + بهارات حوواشي)
  • نخلط المكونات كويس اوي حتي يتجانس اللحم مع البصل والبهارات
  • ثم نضع ( 2 طماطم قطع  + 2 فلفل قطع ) ونخلط مرة اخري
  • بعدين نجيب العيش ونضع في كل رغيف أو كل نص رغيف جزء من الخليط السابق ( اللحم والبصل والبهارات والفلفل والطماطم )
  • و نستمر في وضع اللحم بمكوناته داخل العيش
  • حتي ينتهي الخليط
  • بعدين ندهن كل رغيف زيت من علي الوشين
  • ثم نغلف كل رغيف بقطعه فويل علي اد الرغيف كويس اوي
  • نضع كمية العيش اللي لفناه بفويل في الفرن لمدة نص ساعه
  • وبعدين نطلع رغيف واحد ونفتح الفويل ونشوف اللحم استوي ولا لسه
  • لو استوي يبقي بألف هنا
  • لو لسه اللحم مستواش اوي نسيبه في الفرن شويه كمان ونتابعه
  • ويقدم مع سلطة طحينه أو بطاطس مقليه أو سلطة كول سلو أو بابا غنوج
  • ( سلطة الكول سلو و بابا غنوج ) طريقتهم موجوده عندنا

 

وبألف هنا علي قلوبكم

أرجو ترك تعليق بملاحظاتكم

يارب تكون طريقة عمل الحواوشي عجبتكم

 

اللحم عبارة عن نسيج حيواني يشكل أحد أغذية الإنسان، وفي معظم الأحيان يقصد به النسيج العضلي الحيواني والدهن المتعلق به، ولكن أحيانا يقصد به الأعضاء غير العضلية مثل الرئة، والكبد، والجلد، والمخ، ونخاع العظم والكلى، وتسمى اللحوم المجردة عن العظام هبرة. 

One Comment

Post Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.