طريقة عمل البقسماط في البيت زي الأفران
البقسماط أسهل وصفة ممكن تعملوها البقسماط بسيط جدا وسهل وطعم أحلي من أي فرن وبمكونات متوفرة في كل بيت يالا بينا نشوف الطريقة تقدمها لكم الشيف سارة
مكونات طريقة عمل البقسماط بالسمسم فتكات
- 4 كوب دقيق
- 4 معالق كبيرة سكر
- نص كوب زيت
- نص كوب نشا
- نص معلقة صغيرة ملح
- معلقة كبيرة خميرة
- نص كوب لبن أو اكتر حبه للعجن
- سمسم
طريقة عمل البقسماط بالسمسم
- نجيب طبق غويط أو بولة ونحط فيها اللبن والسكر والخميرة ونقلبهم ونغطيهم كويس
- ونسيبهم علي جنب عشان يخمروا ويتفاعلوا مع بعض لمدة عشر دقايق
- وبعدين نجيب طبق ونحط فيه ( الدقيق + النشا + الزيت + الملح ) ونقلبهم مع بعض
- وبعدين نحط عليهم ( اللبن والخميرة والسكر اللي سيبناهم يتفاعلوا مع بعض ) ونعجن كويس جدا مع بعض حتي التجانس ويمكن اضافة القليل من اللبن للعجن عند الاحتياج
- ثم نغطي الطبق كويس جدا ونترك العجينة تخمر لمدة نصف ساعة ثم تشكل العجينة علي شكل صوابع
- ونرصها في صينية مدهونة زيت بسيط جدا وندهن وش العجينة ( البقسماط ) لبن
- وبعدين نحط سمسم وندخلها الفرن علي درجة حرارة 180 حتي الحصول علي اللون المطلوب
ويقدم بجانب كوب لبن أو شاي ساخن
وشوفي ايضا : طريقة عمل البقسماط المقرمش زي المحلات بالظبط
وبألف هنا وشفا علي قلوبكم أرجو ترك تعليق بملاحظاتكم
طريقة عمل البقسماط نجلاء الشرشابى
طريقة عمل البقسماط للشيف حسن
طريقة عمل البقسماط الشيف هاله
التنبيهات : طريقة عمل البقسماط المقرمش زي المحلات بالظبط – My Blog