البقسماط المقرمش تقدم الوصفة الشيف سارة

كلنا بنحب البقسماط لأنه خفيف علي المعده وحلو جدا علي الفطار مع كوباية شاي بلبن 

طريقة عمل البقسماط المقرمش زي المحلات بالظبط

وعندنا أسهل طريقة لعمل البقسماط بأبسط المكونات ومتوفرة في كل بيت و شاهدي ايضا اسهل طريقة لعمل فطائر بالقرفه

مكونات البقسماط المقرمش

• نص كيلو دقيق ( منخول طبعا )
• نص كوب زيت
• معلقتين لبن بودرة
• معلقه صغيرة ملح
• 2 معلقة كبيرة سكر
• معلقة كبيرة خميرة
• كوب ماء دافئ للعجن

للوش :

• سمسم متحمص

طريقة عمل البقسماط بالمنزل

1. نجيب طبق غويط ونخلط كل المكونات كويس جدا ونعجن حتي التجانس
2. وبعدين نغطيها ونسيبها تخمر لمدة ساعة
3. وبعد كده نجيب العجينة ونقطعها علي شكل كور صغيرة ونغطيها تاني ونسيبها ترتاح شوية
4. وبعدين نجيب كل كورة ونبططها ونبرمها ونعملها صوابع طويلة
5. ونخلي اخر حروف البقسماط بعد ما نعمله صوابع من تحت عشان متفتحش مننا
6. وبعدين نرصه في صينيه ونرش علي الوش سمسم متحمص
7. وبعدين ندخلها الفرن على درجه حراره 160 لحد اما يحمر من فوق وتحت

شاهدي ايضا : طريقة عمل البقسماط في البيت زي الأفران

وبألف هنا وشفا علي قلوبكم
أرجو ترك تعليق بملاحظاتكم

كل الوصفات وطرق تحضير الطعام موجوده علي التطبيق الخاص بنا 

البقسماط مقرمش (بقسماط بالسمسم) من تيك تاك – الحلقة 165

بقسماط | نجلاء الشرشابي

البقسماط أو البشماط أو قرشلة هو مسحوق كعك البقسماط الذي يوضع على الدجاج قبل القلي. ويكون بالعادة مخلوطاً بالملح والبهارات.