الارز بالشعرية تقدم لكم الوصفة الشيف سارة

أحلي ارز بالشعريه بيتي بقااا والطعم تحفه

طريقة عمل الارز بالشعرية

تعرفى على طريقه تحضير أرز بالشعرية اعرفي المقادير وطريقة التحضير معنا في الاسفل.

مكونات الارز بالشعرية

نجيب حلة علي قد كمية الرز ونحطها علي نار عالية
نضع في الحلة 2 معلقة كبيرة سمنه بلدي أو 4معالق كبيرة زيت أو ممكن نحط معلقة كبيرة سمنه مع معلقتين كبار زيت
وبعدين نضع نص كيس الشعريه ( أو حسب الرغبة ) ونقلب كويس عشان الشعريه تتحمر
واما لون الشعريه يبقي دهبي غامق حبه ننزل بكيس الرز ونقلب الرز مع الشعرية كويس لمدة دقيقه تقريبا
وبعدين ننزل بالمايه وتبقي مغطية الرز تقريبا مقدار صوباعين بالايد بالعرض
وبعدين نحط حوالي 4 معالق صغيرة ملح
وبعدين نقلب الرز مع المايه والملح كويس لمدة ثانيتين بس
وبعدين نغطي الحلة ونسيبها تقريبا خمس دقايق
وبعدين نشوف الرز لو لسه متشربش المايه نغطيه ونسيبه دقيقه كمان
ولو اتشرب المايه نغطي الحله تاني ونخليه علي نار هاديه خالص لمدة نص ساعه تقريبا أو ساعة الا ربع

وبألف هنا وشفا علي قلوبكم

أرجو ترك تعليق بملاحظاتكم