اهم المقالات كيك مختارات

أبسط طريقة لعمل كيك النايتي أو التودو في البيت

كيك النايتي تقدم لكم الطريقة الشيف ساره

هنتكلم عن كيك النايتي او التودو اكلة كل الناس بتحبها عشان كده شرحنا طريقتها انشاء الله تعجبكم

أبسط طريقة لعمل كيكه النايتي أو التودو في البيت وبمكونات بسيطه متوفره في كل بيت

 

كل أطفالنا بيحبوا كيك النايتي او التودو  ليه نشتريه من برا واحنا مش عارفين اي مصدره لما نقدر نعمله في البيت وبأسهل المكونات يلا نشوف الطريقة

مقادير كيك النايتي

  1. سبع معالق دقيق
  2. سبع معالق لبن
  3. سبع معالق زيت
  4. سبع معالق سكر
  5. 3 بيضات
  6. معلقة بيكنج بودر
  7. رشة فانيليا
  8. رشة ملح

للحشو

  • مربي أي نوع اللي تحبوه

 

طريقة التحضير كيك النايتي

  1. نجيب خلاط
  2. ونخلط كل السوايل مع بعض ; اللبن – السكر _ الزيت _ البيض _الفانيليا
  3. ونضربهم كويس جدا عشان ندخل الهوا في الخليط ده من أسباب نجاح النايتي
  4. وبعدين نضيف الدقيق + البيكنج بودر + الملح علي الخليط السابق
  5. ونضرب في الخلاط تاني لحد ما المكونات تتجانس كويس
  6. وبعدين نجيب صينيه مستطيله مقاس 22
  7. مدهونه زيت ومتبطنه دقيق أو نحط ورق زبده لو متوفر
  8. ونصب الخليط في الصينيه
  9. وندخلها الفرن علي درجه حراره 180 لمدة 25 دقيقة أو لحد أما الوش يتحمر ونتابعها
  10. وعلي حسب كل فرن طبعا عشان الوش ميتحمرش زيادة
  11. ومنزودش السوا عشان تبقي هشه وجميلة
  12. وبعدين نطلعها ونسيبها تبرد
  13. وبعدين نقسمها نصين بالطول وندهن نص واحد بالمربي أو شوكولا
  14. وبعدين نحط النص التاني فوقه
  15. وبعدين تقطع مربعات أو مستطيلات
  16. وتزين بصوص شيكولاته أو سكر بودره
شوفي ايضا :  احلي طريقة عمل عصير التفاح في البيت

وعشان متحتاروش عندنا أحلي و أسهل طريقة لصوص الشيكولاته في البيت
لتزيين أي نوع من أنواع الحلويات

صوص الشيكولاته لعمل تزين كيك النايتي

المكونات

  1. 1\2 كوب لبن
  2. 1\2 كوب سكر
  3. 1\2 كوب زيت
  4. 2 معلقة كاكاو خام

طريقة التحضير

  1. وبعدين نضع كل المكونات في الخلاط ونضرب كويس
  2. لو خفيف نزود زيت بسيط لحد اما يوصل للقوام اللي عاوزينه
  3. ولو تقيل نخففه بلبن
  4. وبكده يكون أحلي صوص شيكولاته جاهز للتزيين

 

وبألف هنا وشفا علي قلوبكم
انشاء الله تكون طريقة عمل  كيك النايتي او التودو بسيطة وسهلة  
أرجو ترك تعليق بالتجربه

 

الكعك أو الكيك أو الكاتو أو الجاتوه أو الطرطة هو نوع من الطعام غالباً ما يكون حلواً، ويُصنع عادة عن طريق الدقيق. يتكون الكعك من دقيق وعوامل التحلية كالسكر وبعض الأمور الأخرى كالبيض والدهون أو الزبدة وسوائل كالحليب وبعض المحليات والخميرة.

3 Comments

Post Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.