طريقة عمل ليزي كيك بالشوكولاته
ليزي كيك من أسهل وأبسط الحلويات اللي ممكن نحضرها و مكوناتها متوفرة في كل بيت ومش بتاخد وقت ولا مجهود خالص
المكونات
- 3 باكت بسكويت سادة ( ممكن نزود أو ننقص الكمية عادي )
- لبن
- ربع كيلو شيكولاتة خام
- مكسرات ( يمكن الاستغناء عنها )
طريقة عمل ليزي كيك بالشوكولاته
- هنجيب طبق علي أد كمية البسكويت اللي عندنا وبعدين نكسر البسكويت لقطع متوسطة لا كبيرة ولا صغيرة .
- وبعدين هنعمل صوص الشيكولاتة هنجيب حلة فيها ماية علي نار متوسطه .
- ونجيب طبق نحطه فوق الحلة ونحط فيه الشيكولاتة الخام .
- ونفضل نقلب لحد اما الشيكولاتة تسيح ( ده اسمه حمام بخار ) .
- وبعد ما تسيح نشيلها من علي النار عشان متتحرقش .
- ونضيف علي الشيكولاتة اللبن بالتدريج ونقلب لحد أما يكون عندي صوص .
- وبعدين هناخد حبه صغيرين من الصوص علي جنب .
- ونصب بقيت الصوص علي البسكويت ونقلب كويس جدا عشان البسكويت يبقي كله عليه شيكولاتة .
- وبعدين نجيب قالب مستطيل زي بتاع الانجلش كيك ونحط في القالب كيس بلاستيك ( كيس ثلاجه ) .
- وبعدين نفضي الخليط بتاعنا ( البسكويت بالشوكولاته ) جوه القالب ونضغط كويس جدا عليه .
- وبعدين ندخله الفريزر لمدة ساعتين حتي يتماسك .
- وبعدين نطلعه ونصب عليه شوية الصوص اللي شيلناهم علي جنب في الاول .
- وممكن نضيف مكسرات طبعا زي ما نحب .
وبألف هنا وشفا علي قلوبكم
إقرأ أيضا:اجمل صور تورتة 2024 و اشكال تورتات ممكن تشوفها حصريا عندنا
أرجو ترك تعليق بملاحظاتكم
طريقة عمل ليزي كيك – جاتوه البسكويت بالشوكولاتة – كيكة البسكويت بالشوكولاتة
ليزي كيك بالكاكاو | سالي فؤاد
إقرأ أيضا:طريقة عمل كيك الزبدة الهشة