كيك بصوص الشيكولاتة فتكات

كيكة شيكولاتة و الكاكاو بصوص الشيكولاته في المنزل بكل سهولة

تقدم لكم الوصفة الشيف سارة

كلنا طبعا بنعشق الشيكولاته كبار وصغيرين وعندنا بقاا أسهل طريقة لكيكة الشيكولاته بصوص الشيكولاته  ومجربها قبل كده  في البيت طعمها تحفه وسهله جدا وتنفع جدا لما يجيلك ضيوف لأنها سريعه في التحضير  وايضا طريقة عمل تشيز كيك الشيكولاتة و عمل صوص الشيكولاته بسهولة

مكونات كيك بصوص الشيكولاتة فتكات

• 2 كوب دقيق ( منخول طبعا )
• كوب ونص سكر
• كوب ونص لبن
• كوب زيت
• 2 ملعقه كبيره كاكاو خام
• ملعقه كبيره بيكنج بودر
• كيس فانيليا
• رشة ملح
• 3 بيضات

طريقة تحضير سريع كيكة الشوكولاتة بالصوص هشة ولذيذة

1. نجيب الخلاط ونحط فيه ( اللبن + السكر + الزيت + الكاكاو + الفانيليا ) ونضرب كويس جدا
2. وبعدين ناخد كوب واحد من الخليط علي جنب أو ممكن نشيله في الثلاجه وده الصوص اللي هنسقي بيه الكيك وباقي الخليط نسيبه زي ما هوه في الخلاط ونضيف عليه البيض و نضرب كويس جدا
3. وبعدين نجيب طبق غويط ونحط فيه ( الدقيق + البيكنج بودر + الملح ) ونقلبهم بمعلقه
4. وبعدين نضيف الخليط اللي ضربناه في الخلاط علي الدقيق والبيكنج بودر والملح ونقلب كويس جدا بالمعلقه لحد تجانس المكونات مع بعض أو لحد اما الدقيق يختفي
5. وبعدين نفضي الخليط في صينيه مش بتلزق ولو مش متوفر يبقي ندهن الصينيه زيت ونبطنها بدقيق بسيط
6. وبعدين ندخلها الفرن على درجه حراره 180 لمدة 20 دقيقه او 25 دقيقه
7. وبعدين نختبر الكيك ندخل سكينه في الكيك لو طلعت نضيفه يبقي استوت لو طلعت فيها الكيك لسه سائل يبقي نسيبها شويه كمان
8. وبعد اما نطلعها من الفرن نقطعها مربعات او مثلثات زي ما نحب ونفضي كوب الصوص اللي كنا شايلينه في الاول عشان الكيكة تشربه وهيه لسه سخنه

وكده بقا عندنا أحلي كيك شيكولاتة بصوص الشيكولاتة

وممكن طبعا نقسمها من النص بالعرض ونحشيها كريم شانتيه لو حابين تبقي تورته ونصب الصوص من فوق برده

شاهدي ايضا : احسن طريقة كيكة الشوكولاته بصوص الشوكولاته

تقدري برده تشوفي : أسهل واحسن طريقة لعمل صوص الشيكولاتة

وبألف هنا وشفا علي قلوبكم أرجو ترك تعليق بملاحظاتكم يارب طريقة عمل كيكة شيكولاتة و الكاكاو بصوص الشيكولاته في المنزل بسهولة

كيكة شيكولاتة و الكاكاو بصوص الشيكولاته

كل الوصفات وطرق تحضير الطعام موجوده علي التطبيق الخاص بنا 

كيك بصوص الشيكولاتة على قد الايد

الكعك أو الكيك أو الكاتو أو الجاتوه أو الطرطة هو نوع من الطعام غالباً ما يكون حلواً، ويُصنع عادة عن طريق الدقيق. يتكون الكعك من دقيق وعوامل التحلية كالسكر وبعض الأمور الأخرى كالبيض والدهون أو الزبدة وسوائل كالحليب وبعض المحليات والخميرة

الشُوكُولاَتَة هي مادة غذائية للتلذّذ، أبرز مكوّناتها هي مشتقّات الكاكاو، ويمكن أن يضاف إليها أنواع من المحلّيات مثل السكّر، كما يمكن أن يضاف إليها الحليب.