طريقه عمل الكوسه باللحمه المفرومه فى الفرن تقدم الوصفة الشيف سارة
كوسه محشيه باللحم المفروم بالطماطم
كلنا بنحب الكوسه ودايما بنعملها بالطريقة التقليديه وهيه اننا نطبخها لكن عندنا طريقه جديده وسهله جدا لعمل الكوسه بطريقة جديدة وبأبسط المكونات
مكونات محشى كوسة باللحمة المفرومة
- كيلو كوسه
- ربع كيلو لحم مفروم
- 2 بصلة متوسطة مفرومة ناعم
- فصين ثوم مفروم
- عصير طماطم
- فلفل اسود
- ملح
- كزبرة ناشفة
- توابل لحمة
- زعتر
- سمنه بلدي
طريقه عمل الكوسه باللحمه المفرومه فى الفرن
- نجيب طبق غويط ونحط فيه ( اللحم المفروم + البصل المفروم + فلفل اسود + ملح + كزبرة ناشفة + زعتر + توابل لحمة )
- وبعدين نعجنهم مع بعض كويس جدا حتي التجانس
- وبعدين نجيب طاسه ونحطها علي نار متوسطه ونحط فيها معلقتين سمنه بلدي وبعدين ننزل باللحم المفروم اللي عجناه
- ونفضل نقلب اللحم حتي ينضج
- وبعدين نجيب الكوسه ونغسلها كويس طبعا ونقورها
- وبعدين نجيب حله ونحط فيها معلقة سمنة وبعدين ننزل بفصين الثوم المفروم ونشوحهم في السمنه
- وبعد ما نشوحهم ننزل ( بعصير الطماطم + فلفل اسود + ملح ) وبعدين نغطي الحله ونتركها على نار متوسطة حتى تغلي وتتقل شويه
- وبعدين نجيب الكوسه اللي قورناها ونحشيها باللحم المفروم حتي تنتهي الكمية
- وبعدين نرص الكوسه اللي حشناها لحم مفروم في صينية الفرن ونصب عليها الطماطم بعد ما تتقل
- وبعدين نغطي الصينيه بورق فويل وندخلها الفرن على درجه حراره 180 حتي تنضج
- وتقدم مع أرز بشعرية وسلطة أو مخلل
وبألف هنا وشفا علي قلوبكم
أرجو ترك تعليق بملاحظاتكم
حمل أيضا : كل الوصفات وطرق تحضير الطعام موجوده علي التطبيق الخاص بنا
“فضلا منك وليس أمرا إذا أعجبك الوصفة يرجى منكم التكرم بوضع إعجاب وتعليق ومشاركة الوصفة لأصدقائك“
طاجن كوسة باللحمة المفرومة | نجلاء الشرشابي
Pingback: طريقة عمل الكوسة باللحمة المفرومة للشيف الشربينى - cook torta
Pingback: طريقة عمل الكوسة باللحمة المفرومة للشيف الشربينى – cooktorta