طريقة عمل نوتيلا
تقدم لكم الوصفة الشيف
نوتيلا محدش مبيحبش النوتيلا بتتاكل لوحدها او جنب اي حلويات الكبير بيحبها قبل الصغير من الاخر كده طعمها مبيتقوميش وعشان بتبقي غاليه من برا ف نجرب نعملها ف البيت انا عن نفسي جربتها بدل المره اربعه وطلعت جميله جدا وطعهما حلو جدا واحلي من بره و طريقة عمل مولتن كيك
مقادير نوتيلا
- نص كوب حليب
- نصف كوب سكر بودر
- نصف كوب كاكاو خام
- نصف كوب حليب بودر
- فانيليا
- كابتشينو بالبندق
- نصف كوب زيت
- ملعقه كبيره عسل ابيض
طريقه تحضير النوتيلا
- اول حاجه ندوب نص كوب الكاكاو ف حبه زيت
وده لسبيبن
- اول حاجه ندوبه ف الزيت احسن من اللبن لانه هيدوب اسرع ف الزيت ونتاكده انه مفهوش كلكيع ويبقي كله داب كويس
- والسبب التاني انه لما يبقي سائل هيبقي اسهل واحنا بنحطه ف الخلاط
- وبعد كده هنحط كل المكونات ف الخلاط
- واخر حاجه الزيت
- اه الكابتشنو بالبندق لازم عشان هيديها طعم البندق زي اللي بره ولازم كاكاو خام مش كاكاو بالسكر لان الكاكاو الخام بيستخدم ف كل الحلويات مينفعش اي نوع كاكاو تاني
ملحوظه
كل المكونات دي هنقدرها كلها ف كوب كبير
ملحوظه تانيه
العسل الابيض اخياري بس بيدي لمعان حلو للنوتيلا
ملحوظه كمان
لو طلعت خفيفه القوام ممكن نحط حبه زيت
لوطلعت تقيله القوام ممكن نحط حبه حليب
من الاخر يعني الزيت بيتقلها والحليب بيخففها لانها لما بتتحط ف الثلاجه بتتقل
وده التطبيق بتاعتنا علي متجر جوجل https://play.google.com/store/apps/details?id=com.JoZarqa.cooktorta
بس كده اتمني تكون عجبتكوا وياريت تجربوها
وتقوللي رايكوا وبالهنا والشفا
