طريقة عمل الرقاق باللحمة المفرومة فتكات

الرقاق مكانة خاصة لدى المصرين فهو واحد من اهم  الوجبات الرئيسية فى العزومات و المناسبات وله مكانته فى الأفراح والمناسبات، كما تبرع كل أم فى عمله لأسرتها.

عشان كده احنا حبنا ننزل طريقة عمل الرقاق باللحمه بطريقتنا الا متوعدين عليها مننا ومن الاكلات برده الا بنحبها هي الفته المصرية 

مقادير صينية الرقاق

• لفة رقاق بلدي او مصري
• هنستعمل شوربة لـحـمـة أو بــط أو كوارع أو فــراخ
• سمنه بلدى أو زبده بس احنا بنصح باستعمال السمنه البلدي
• مقدار شوية زيت
• مكعب مرقة دجاجه

طريقة عمل صينية الرقاق

• نجيب  شوية من الشوربة وندوب فيها مكعب مرقة الدجاج .
• وبعدين  نضع كمية من الشوربة على نار متوسطة .
• وكل ما الشوربة تنقص نوزدها شوربة  وهى على النار
• وبعدين نقوم بدهن صينية بالسمنه علي حسب الرغبة  ونأخذ ورقة من الرقاق ونضعها بالشوربة لمدة ثوانى معدودة على الوجهين ونخرجها بسرعه على الصينية الا مدونها بالزيت أو السمنه أو الزبده حتى لا يلتصق الرقاق بها بعد ما يستوي .
• ثم نضع أول ورقة رقاق خارجة من الشوربة الساخنة ونصفيها كويس و نفردها علي الاخر وندهنها بالسمنه أو زبده ، وندهنها حتى تورق فى التسوية ولا تلتصق ولا تعجن في بعضه .
• وبعدين نكمل تانى ورقة مثل التى قبلها،أما الثالثة فخلاص مش هندهنها بالسمنه لأننا سنضع اللحمة المفرومة عليها، وبهذا نضع 4 ورقات قبل اللحمة و4 بعدها او علي حسب الرغبة.

___________________________________________

مقادير اللحمة المفرومة المعصجه لطريقة عمل الرقاق باللحمة المفرومة فتكات

•  مقدار نص كيلو لحمه مفرومه
• عدد 2 بصله مفرومة ناعم
•  1 جوزة الطيب مبشورة
• شوية ملح
•  مقدار فلفل أسود و كسبره و بهارات لحمه و الزعتر
• سمنه أو زبده أو زيت علي حسب الرغبة

طريقة عمل الرقاق باللحمة المفرومة فتكات

طريقة عمل اللحمة المفرومة المعصجه

•  اول حاجه نعملها نحمر البصل لحد ما  يأخذ اللون الدهبى و بعدين نضيف عليها اللحمة المفرومه ونقلبها كويس لحد ما يتغير لونها و تنزل مائها وتشربها .
•  نقوم بتهدئة النار عليها ونضيف جوزة الطيب و الفلفل الأسود والملح والبهارات  لحمه و الكسبره و الزعتر
• وبعدين نغطيها لمدة 9 دقائق على نار هاديه خلاص.
•  ممكن نوزدها كوب ماء  لو حسينا ان لسه محتاجها تسويه.

                                                         ______________________

نرجع  تاني لصينية الرقاق نكمل باقي الطريقه

•  ونرجع لخطوة فرد اللحمة ونوزعها بالتساوى فوق  ورق الرقاق مع مراعاة بعد أحرف الصينية 2 سم دائر ما يدور حتى لا يخرج منها اللحمة عند تقليبها
•  فوق اللحمة نضع  ورق رقاق عليه شوربة ساحنة و ندهن بين كل ورقة و ورقة سمنه.
•  وبعدين ندهن وش الصينية بالسمنه وندخلها الفرن علي درجةحرارة متوسطه ولا وطيه ولا عاليه
•  و اول ما الوش يحمر و نلاحظ انه نشف نقدر نخرج الصينية من الفرن

اقر ايضا : اسهل طريقة عمل الرقاق العيد بسهولة

والف هنا وشفاء علي قلوبكم

يارب تكون طريقة عمل رقاق باللحمه سهلة وبسيطه وطعمها حلو