طبق كفتة بطاطس و الطماطم تقدم لكم الوصفة المميزة الشيف سارة

   كفتة البطاطس دايما متعودين ناكل الكفته لوحدها لكن عندنا أحلي وأسهل طريقة للكفته وبشكل جديد ومش هناكلها لوحدها تاني

طريقة عمل صينية بطاطس بكفته

طريقة كفته مختلفه جدا و غير معتادة مع البطاطس و الطماطم  ودلوقتي هشرح لكم  احلي و اسهل طريقه عمل الكفته فى الفرن

المكونات صينية كفتة البطاطس

• نص كيلو لحم مفروم
• 2 بصلة متوسطة مفرومة
• فلفل أسود
• ملح
• كزبرة ناشفة
• زعتر
• توابل لحمة
• 3 معالق كبيرة
• سمنة بلدي
• 2 بطاطس متوسطة الحجم
• 4 طماطم

طريقة التحضير طبق كفتة بطاطس و الطماطم

1. نجيب طبق غويط ونحط فيه ( اللحمه + البصل المفروم + الزعتر + فلفل أسود + ملح + كزبرة + توابل لحمة )
2. وبعدين نعجنهم كويس بإيدينا حتي التجانس وبعدين نقشر البطاطس ونقطعها حلقات متوسطة الحجم ونغسلها كويس
3. وبعدين نجيب صينية علي أد الكمية اللي عندنا ونرص من تحت حلقات البطاطس
4. وبعدين نجيب اللحم المفروم اللي عجناه كويس ونشكله كور أو صوابع ( زي مانحب ) ونرصه فوق البطاطس
5. وبعدين نغسل الطماطم كويس ونقطعها حلقات ونرصها فوق اللحم المفروم
6. وبعدين نحط الصينية علي نار متوسطة الحرارة ونغطي الصينية لمدة 10 دقائق
7. وبعدين نحط علي الصينية 3 معالق سمنة بلدي ونغطي الصينية تاني لمدة 20 دقيقة
8. وبعدين نشوف البطاطس استوت ولا لسه نجيب معلقة ونقطع بيها واحدة من حلقات البطاطس لو اتقطعت بسهولة يبقي استوت ونطفي النار
9. لو ناشفة يبقي نسيبها شوية علي النار لحد ما تستوي بس نخلي بالنا ومنسبهاش علي النار فترة طويلة عشان متتهريش وبعد ما نطفي النار ندخلها تحت الشواية لمدة 10 دقائق لحد اما الوش يحمر
10. وتقدم مع أرز أبيض أو أرز بشعرية أو أرز حبة وحبة أو مكرونة بطماطم أو عيش بلدي وسلطة طحينة

وبألف هنا وشفا علي قلوبكم

 أرجو ترك تعليق بملاحظاتكم

كل الوصفات وطرق تحضير الطعام موجوده علي التطبيق الخاص بنا 

شاهد طريقة عمل كفته البطاطس والصلصه بالفيديو

اللحم عبارة عن نسيج حيواني يشكل أحد أغذية الإنسان، وفي معظم الأحيان يقصد به النسيج العضلي الحيواني والدهن المتعلق به، ولكن أحيانا يقصد به الأعضاء غير العضلية مثل الرئة، والكبد، والجلد، والمخ، ونخاع العظم والكلى، وتسمى اللحوم المجردة عن العظام هبرة.

البَطَاطا أو البَطَاطِس هي نبات من الفصيلة الباذنجانية وهي من أكثر محاصيل الخضراوات انتشارًا في العالم، كما أنها واحدة من أشهر الأطعمة، ولها قيمةٌ غذائية وأضرار صحية كذلك